गणपति लघुवित्तद्वारा सदस्यलाई सदस्य सिप विकास तालिम प्रदान

CORPORATE
शुक्रबार, फाल्गुन ९,२०८१ 14:12:50

काठमाण्डौ । गणपति लघुवित्त वित्तिय संस्था लिमिटेडले आफ्ना ग्राहक सदस्यहरुको सीप तथा क्षमता विकास गर्ने उदेश्यले फरक फरक शिर्षकका दुई वटा एक दिवशिय तालिम सम्पन्न गरेको छ ।

शाखा कार्यालय गोबरडिहा दाङले एक दिने तरकारी खेती तालिम तथा बीउ बिजन वितरण कार्यक्रम गोबरडिहामा सम्पन्न गरेको छ । संस्थाको तालिम विकास तथा प्रवर्तन विभाग प्रमुख प्रभुराज थापाको प्रमुख आतिथ्यता र शाखा प्रबन्धक पबित्रा गिरिको अध्यक्षतामा भएको तालिमको प्रशिक्षण सम्बन्धित बिषयविज्ञ रविता कुमारी यादवले दिएकी थिइन् ।

उक्त तालिममा कर्जा असुली तथा जोखिम व्यवस्थापन विभागका कामु अधिकृत गोकुल पाण्डे अतिथिको रुपमा उपस्थित थिए भने कार्यक्रमको सञ्चालन तथा समन्वय सहायक प्रकाश भण्डारीले गरेका थिए । उक्त तालिममा ३४ जना सदस्यहरुको सहभागीता रहेको थियो ।

त्यसैगरी, शाखा कार्यालय सल्यानटार धादिङले पनि एक दिने व्यवसायिक बाख्रा पालन तालिम सल्यानटारमा सम्पन्न गरेको छ । शाखा प्रबन्धक प्रकाश खनालको अध्यक्षतामा भएको तालिमको प्रशिक्षण सल्यानटारका पशु चिकित्सक जेटिए नविन बसौलाले दिएका थिए । २५ जना सदस्यहरुको सहभागीतामा उक्त तालिम सम्पन्न भएको थियो । तालिमको सञ्चालन तथा समन्वय सुपरिवेक्षक महेश बोहराले गरेका थिए ।

दुवै तालिमका सहभागीहरुलाई प्रमाणपत्रको समेत व्यवस्था गरिएको थियो ।