यो कम्पनीले प्राप्त गर्यो एलआईसी नेपालको लिलाम बढाबढमार्फत लगभग सबै सेयर

काठमाण्डौ । लाइफ इन्स्योरेन्स कर्पाेरेशन(नेपाल)लिमिटेडकोे अवितरित हकप्रद सेयर लिलाम बढाबढमार्फत खरिद आह्वान गरेकोमा एनआरएन इन्फ्राइट्रक्चर एण्ड डेभलपमेण्ट लिमिटेडले कुल सर्वसाधारण समूहतर्फको ४ लाख ९२ हजार ५७७ कित्तामध्ये ४ लाख ७५ हजार ७०० कित्ता अवितरित हकप्रद सेयरहरु प्राप्त गरेको छ ।

कम्पनीको लिलामी सेयरको बोलपत्र फागुन १२ गते ८ बजेदेखी दिनको २ बजे सम्म नक्सालमा रहेको लिसारा बैकेटमा खोलिएको थियो । बोलपत्र आवेदनमा सबै भन्दा बढी रु. ११०० प्रति सेयर मूल्य र सबैभन्दा कम रु १०० कबोल भएको थियो । बोलपत्र आवेदकहरु मध्ये सबै भन्दा बढी बोलकबोल गर्ने बोलपत्र बाट क्रमश ४ लाख ९२ हजार ५७७ कित्ता सेयर बाँडफाँड गर्दा रु. १०२२ (आवेदन फारम रुजु गर्दा अन्तिम मूल्य केही फरक पर्न सक्ने) न्यूनतम मूल्य(कटअफ मूल्य)निर्धारण भएको थियो।  

एनआरएन इन्फ्राइट्रक्चर एण्ड डेभलपमेण्टको विभिन्न क्षेत्रमा लगानी गर्ने, सूचीकृत कम्पनी हो । पछिल्ला दिनहरूमा यस,कम्पनीआक्रमक रूपमा लगानी परिचालनमा सक्रिय देखिदै आएको छ ।  

अघिल्लो वार्षिक साधारण सभाबाट साविकका संस्थापक सेयरधनीहरुलाई विस्थापित गर्दै दोस्रो बजारबाट सेयर लिएका र सेयर बजारमा अभ्यस्त मध्येबाट अधिकांश सञ्चालक चयन भएका थिए ।  

कम्पनीले गत मंसिर १२ गतेदेखि पुस १७ गतेसम्म  चुक्तापूँजीको १ः०.८८४५१६८ अनुपातमा १०० रुपैयाँ अंकित दरका २ करोड ३४ लाख ६८ हजार कित्ता हकप्रद साधारण सेयर निष्कासन गरेको थियो । सोही हकप्रदमा आवेदन नपरेको ४ लाख ९२ हजार ५७७ कित्ता साधारण सेयर कम्पनीले बिक्री प्रबन्धक नेपाल एसबीआई मर्चेन्ट बैंकिङमार्फत गत माघ २१ गतेदेखि फागुन ५ गतेसम्म लिलामीमार्फत बिक्रीमा राखेको थियो ।