८ बीमा कम्पनीको मात्रै सेयरभाउ बढ्यो, एलआइसी नेपाल र हिमालयन रि का लगानीकर्ताले सर्वाधिक गुमाए

काठमाण्डौ । साताको अन्तिम कारोबार दिन सेयरबजारमा झिनो अंकको गिरावट आएको छ । नेप्से परिसूचक २.७० अंकले घटेर २८१८.४३ विन्दुमा कायम भएको छ । नेप्सेमा सूचीकृत ३१० कम्पनीको १ करोड ९० लाख ४१ हजार ५१४ कित्ता सेयर किनबेच हुँदा १० अर्ब १० करोड रुपैयाँमाथिको कारोबार भएको छ । 

बीमा समूहका दुईवटै उपसूचक घटेको छ । जीवन बीमा समूह ०.८० प्रतिशतले घटेको छ भने निर्जीवन बीमा उपसूचक ०.०४ प्रतिशतले घटेको छ । आज ८ बीमा कम्पनीको मात्रै सेयरभाउ बढेको छ । सर्वाधिक कमाउने वा सेयरभाउ बढ्ने कम्पनीमा गार्डियन माइक्रो लाइफ रहेको छ । कम्पनीको सेयरभाउ १० प्रतिशतले बढेर १६७२.२० रुपैयाँ पुगेको छ । 

त्यस्तै, शिखर इन्स्योरेन्सको ५.२६ प्रतिशत, सन नेपाल लाइफको २.६३ प्रतिशत, आइजीआई प्रुडेन्सियलको २.२६ प्रतिशत, रिलायबल नेपाल लाइफको ०.७४ प्रतिशत, सगरमाथा लुम्बिनी इन्स्योरेन्सको ०.६७ प्रतिशत, नेपाल रि को ०.३७ प्रतिशत, आइएमई लाइफको ०.२८ प्रतिशतले सेयरभाउ बढेको छ । आज सर्वाधिक गुमाउने बीमा कम्पनीमा भने एलआइसी नेपाल र हिमालयन रि इन्स्योरेन्स रहेको छ । एलआइसी नेपालको सेयरभाउ ६.३५ प्रतिशतले घटेर ११८० रुपैयाँ र हिमालयन रि को सेयरभाउ ३.७७ प्रतिशतले घटेर १०७३ रुपैयाँ कायम भएको छ । 

यसका साथै युनाइटेड अजोडको २.६१ प्रतिशत, सिद्धार्थ प्रिमियरको २.१० प्रतिशत, आरबीसीएलको १.४५ प्रतिशत, नेशनल लाइफको १.०६ प्रतिशत, सानिमा रिलायन्स लाइफको ०.८९ प्रतिशत, नेको इन्स्योरेन्सको ०.८५ प्रतिशत, नेपाल लाइफको ०.८३ प्रतिशत, नेपाल इन्स्योरेन्सको ०.८० प्रतिशत, प्रभु महालक्ष्मी लाइफको ०.७३ प्रतिशत, एशियन लाइफको ०.३७ प्रतिशत, प्रभु इन्स्योरेन्सको ०.३० प्रतिशत, हिमालयन एभरेष्टको ०.२७ प्रतिशत, हिमालयन लाइफको ०.२२ प्रतिशत, सुर्यज्योति लाइफको ०.११ प्रतिशत, सिटिजन लाइफको ०.०८ प्रतिशत र सानिमा जिआइसीको ०.०४ प्रतिशतले सेयरभाउ घटेको छ।