चन्द्रागिरी हिल्सको स्वतन्त्र सञ्चालकमा पराजुली नियुक्त

काठमाण्डौ । चन्द्रागिरी हिल्स लिमिटेडको स्वतन्त्र सञ्चालकमा विष्णु प्रसाद पराजुली नियुक्त भएका छन् । कम्पनीको फागुन २२ गते बसेको सञ्चालक समितिको बैठकले पराजुलीलाई स्वतन्त्र सञ्चालक नियुक्त गर्ने निर्णय गरेको हो ।

उनलाई सोही दिनदेखि लागू हुनेगरी बाँकी कार्यकालका लागि उक्त पदमा नियुक्त गरिएको कम्पनीले जनाएको छ ।

यसअघिका कम्पनीका स्वतन्त्र सञ्चालक प्रेमराज जोशीले राजीनामा दिएका थिए । उनको राजीनामा फागुन २ गते बसेको कम्पनीको सञ्चालक समितिको बैठकले स्वीकृत गरेको थियो ।