मध्य ब्याण्डबाट पनि तल खसेको बजारमा कतिमा छ अबको सपोर्ट ?

STOCK MARKET
मंगलवार, फाल्गुन २७,२०८१ 19:09:06

काठमाण्डौ। आजपनि बजार दिनभर उतारचढावपूर्ण नै रह्यो । कारोबारको पहिलो प्रहरमा सामान्य अंकले घटेको बजारमा अन्तिम समयमा भने केही बिक्री दबाब देखिएको छ । बजारलाई बोलिङ्गर ब्याण्डबाट नियाल्दा आज बजार मध्य ब्याण्डबाट पनि तल खसेको छ ।

अब बजारले तल्लो ब्याण्डसम्म सपोर्ट लिन आउन सक्छ । त्यसैगरि, बजारलाई म्याक्डीबाट नियाल्दा यस अघिनै बियरिस क्रसओभर बनाएको छ । जसलाई आज पनि बजारले निरन्तरता दियो । सुपर ट्रेन्डबाट नियाल्दा बजारपनि बियरिस नै बनेको छ ।

योसँगै सुपर ट्रेन्डको रँग पनि हरियोबाट रातो बनेको छ ।

आरएसआई हाल ४५ को तहमा आएको छ । यस्तो विन्दु घट्दो बजारमा ओभर सोल्ड जोन सम्म पनि आउन सक्छ । बजारलाई पिभट् मार्फन नियाल्दा आज दोस्रो सपोर्ट २७३१ लाइ पनि भत्काएको बजारले अबको तेस्रो सपोर्ट २६५५ विन्दुमा लिनसक्छ । यदि बजार बढेमा भने २७७५ , २८०० र २८५२ विन्दुमा प्रतिरोध सामान पनि गर्न सक्छ ।

नोट :सेयर बजारमा लगानी जोखिमपूर्ण हुन्छ । यो विश्लेषण कारोबारको लागि सिफारिस भने होइन ।