.gif)
(1).gif)
(2).gif)
.jpg)
.gif)
.png)
काठमाण्डौं । गत महिना साउन १३ गते ३ हजार १ को विन्दुमा बन्द भएको बजार त्यसपछि लगातार खसेर आज २ हजार ७६७ को विन्दुमा बन्द भएको छ । यो बिचमा १५ कारोबार दिनमा नेप्सेमा २३० अंकको गिरावट आएको छ । त्यो समयमा साढे २६ अर्ब रहेको कारोबार आज ५ अर्बमा सीमित भएको छ ।
यसरी लाभांशको सिजनमा नै बजार घट्नुमा लगानीकर्ताहरुले विभिन्न अड्कलबाजी लगाएको सुनिन्छ । यसरी बजार घट्नुमा केही लगानीकर्ताहरुले धितोपत्र दलाल व्यवसायिहरुलाई दोष लगाएको सुनिन्छ भने केहीले प्राविधिक विश्लेषकहरुले बजार घटाएको आरोप समेत लगाउने गरेका छन् । ती लगानीकर्ताहरु पछिल्लोपटक ब्रोकहरुले लिमिट टाइट गर्दा बजार घटेको तर्क गर्छन् ।
यसै विषयमा बोल्दै भिजन सेक्यूरिटिज (स्टक ब्रोकर नम्बर ३४) का सञ्चालक राजकुमार तिमिल्सिनाले ब्रोकरले लिमिट टाइट गर्दा बजार घटेको भन्ने आरोपमा कुनै सत्यता नभएको प्रतिक्रिया दिए । उनका अनुसार लगानीकर्ताहरुलाई भोलिपल्ट बाँकी पैसा दिने गरि २५ प्रतिशत अग्रिम भुक्तानी लिएर कारोबार गर्न दिइएको हो ।
‘यसको अर्थ बाँकी पैसा तिर्न नै पर्दैन भन्ने होइन । अहिले पाँच प्रतिशत लगानीकर्ताहरुले पनि समयमा पैसा तिर्दैनन्, ’तिमिल्सिना भन्छन्, ‘ब्रोकरहरु पनि कुबेरका भकारी होइनन् । सेयर किनेको पर्सिपल्ट पैसा ब्रोकरमा आउँछ भने म एक अर्ब पनि लिमिट दिन्छु । ब्रोकरले पनि हिसाब मिलान त गर्नु पर्छ ।’
अर्को एक प्रसंगमा तिमिल्सनाले पछिल्लोपटक ब्रोकरहाउसहरुमा अन्तिम १५ मिनेको एभरेजिङ गर्ने नियमको विषयमा पनि धेरै गुनासो आएको बताए । उनी थप्छन्, ‘पहिले अन्तिम १५ मिनेटमा सेयर किन्न हारालुछ हुन्थ्यो । तर अहिले भने २ः४५ बजेपछि कोहि पनि सेयर किन्न नै तयार हुँदैनन् । किन भने अन्तिम १५ मिनेटको संमायोजनले लगानीकर्ताले किनेको सेयरको मूल्य घट्न गएको छ । यो भनेको मनोबैज्ञानिक प्रभाव पनि परेको हो । आफ्नो सेयर किनेपछि घटाउन कोहि पनि चाँहदैन ।’
उनले श्रीलंकाको मोडलमा अन्तिम ५० वटा कारोबारको हिसाबले मूल्य समायोजन हुने विकल्प उत्तम हुने बताए । कुन ठीक–बेठीक भनेर छुट्टाउने नियामक नै भएको बताउँदै उनले भने, ‘तर बजारमा गुनासो भने निकै बढेको छ । अर्को कारण भनेको म्यूचूअल फण्डहरुले लाभांश घोषणा गर्दाकै दिन नगद व्यवस्थापन गर्नु पर्ने जस्ता कारणले पनि बजार घट्न पुगेको छ । यसले म्यूचुअल फण्डको पैसा एक ठाँउमा एक महिना होल्ड हुन पुग्यो ।’
अर्का एक ब्रोकरले अहिले बजार घट्नुमा आईपीओ र प्रि–आईपीओेबाट पैसा बाहिरिनु पनि मुख्य कारण रहेको बताए । ती ब्रोकरका अनुसार ब्रोकर कर्मचारीहरुकै सहयोगमा मर्चेन्ट बैंकसँग आईपीओ सम्झौता भएपछि बजारबाट प्रि –आईपीओबाट पैसा बाहिरिएको छ ।
(2).gif)
.gif)
.png)
(254).jpg)
(217).jpg)
(231).jpg)
.jpg)
.jpg)
