काठमाण्डौ । फरवार्ड माइक्रोफाइनान्स लघुवित्त वित्तीय संस्था लिमिटेडले ३ लाख कित्ता बढी संस्थापक सेयर बिक्रीमा राखेको छ । संस्थाले संस्थापक सेयरधनीको नाममा रहेको ३ लाख ६३ हजार कित्ता संस्थापक सेयर आजदेखि बिक्रीमा राखेको हो ।
यो सेयर खरिदका लागि जो कोही व्यक्ति तथा कम्पनीले आवेदन दिन सक्नेछन् । संस्थाले विद्यमान संस्थापक सेयरधनीहरुका लागि गत माघ २२ गतेदेखि फागुन २६ गतेसम्म उक्त सेयर बिक्रीमा राखेको थियो । तर उक्त अवधिमा कुनै आवेदन नपरेकाले आम सर्वसाधारणलाई सेयर बिक्री गर्न लागिएको संस्थाले जनाएको छ ।
न्यूनतम १ हजार कित्ताका लागि आवेदन दिनु पर्नेछ । सेयरको न्यूनतम मूल्य प्रतिकित्ता ५३१ रुपैयाँ निर्धारण भएको छ ।
इच्छुक लगानीकर्ताले चैत १७ गतेभित्र आवेदन दिनु पर्नेछ । लगानीकर्ताले न्यूनतम १ हजार कित्ताका लागि आवेदन दिन सक्नेछन् ।