नेष्डो समृद्ध लघुवित्तको छैठौं साधारण सभा सम्पन्न, १५% लाभांश पारित

काठमाण्डौ । नेष्डो समृद्ध लघुवित्तको वार्षिक साधारण सभा सम्पन्न भएको छ । पर्वत जिल्लाको कुश्मामा रहेको रोयल कुश्मा रिसोर्टमा कम्पनीको छैठौं साधारण सभा सम्पन्न भएको हो ।  

उक्त सभाले गत आवको अवितरित मुनाफाबाट हाल कायम रहेको चुक्तापूँजीको १४.२५ प्रतिशत बोनस सेयर र ०.७५ प्रतिशत नगद लाभांश.कर प्रयोजनका लागि)गरी कुल १५ प्रतिशत लाभांश वितरणको प्रस्ताव पारित गरेको छ ।  

यसैगरी, सभामा आर्थिक वर्ष २०८०/८१ को सञ्चालक समितिको वार्षिक प्रतिवेदनमाथि छलफल गरी पारित गरिएको छ । सभामा लेखापरीक्षकको प्रतिवेदनसहितको २०८१ असार मसान्तसम्मको वासलात, नाफा नोक्सान हिसाब तथा सोहि अवधिको नगद प्रवाह विवरण लगायतका वित्तीय विववरणहरुमाथि छलफल गरी पारित हुनुका साथै चालु आर्थिक वर्षको लेखापरीक्षणका लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव पारित भएको छ ।