टाईम फर्मास्युटिकल्सले बुक बिल्डिङ विधिबाट आईपीओ निष्कासन गर्ने

काठमाण्डौ । टाईम फर्मास्युटिकल्स लिमिटेडले आईपीओ निष्कासनको प्रस्ताव पारित गर्न विशेष साधारण सभा डाकेको छ । कम्पनीको सञ्चालक समितिको बैठकले आगामी वैशाख ११ गते गैडाकोटमा रहेको कम्पनीको उद्योग परिसरमा दिउँसो १२ बजे सभा आयोजना गर्ने निर्णय गरेको हो ।  

उक्त सभामा कम्पनीको बुक बिल्डिङ विधिबाट आईपीओ निष्कासन गर्ने, आईपीओ निष्कासनसम्बन्धी कार्य अघि बढाउन सञ्चालक समितिलाई अख्तियारी दिने र आईपीओबाट प्राप्त रकमको उपयोगका बारेमा निर्णय लिने विशेष प्रस्तावहरु पारित गरिनेछ ।  

यस्तै कम्पनीको जारीपूँजीलाई ४२ करोड ९१ लाख ११ हजार ८ सय रुपैयाँबाट बढाएर ४६ करोड कायम गर्ने, जारीपूँजी मध्ये ७९.३४७८ प्रतिशत संस्थापक क समूहका लागि र २०.६५२१ प्रतिशत सर्वसाधारण ख समूहलाई वितरण गर्ने प्रस्ताव समेत पारित हुनेछ ।