नेप्सेमा नेपाल माइक्रो इन्स्योरेन्सको आईपीओ सूचीकृत, ओपनिङ रेञ्ज कति ?

काठमाण्डौ । नेपाल स्टक एक्सचेञ्ज (नेप्से)ंमा नेपाल माइक्रो इन्स्योरेन्सको आईपीओ सूचीकृत भएको छ । कम्पनीको सेयर ‘एनएमआईसी’ सिम्बोलबाट सूचीकृत भएको हो ।  

कम्पनीको अंकित मूल्य १०० रुपैयाँ कायम भएको ७५ लाख कित्ता सेयर सूचीकृत भएको हो । कम्पनीले सर्वसाधारणका लागि जारी गरेको २२ लाख ५० हजार कित्ता सेयर र संस्थापक सेयरधनीहरुका लागि जारी गरेको ५२ लाख ५० हजार कित्ता गरी कुल ७५ लाख कित्ता सेयर सूचीकृत भएको छ ।  

उक्त सेयर भोलिदेखि नै दोस्रो बजारमा कारोबारमा आउनेछ । नेप्सेले पहिलो कारोबारको लागि न्यूनतम १००.८० रुपैयाँदेखि अधिकतम ३०२.०४ रुपैयाँसम्म ओपनिङ रेञ्ज दिएको छ ।