एमएडब्ल्यू वृद्धिद्वारा चितवनमा सेरेस र नामी ईभीहरूको सबैभन्दा ठूलो एक्सचेन्ज र टेस्ट ड्राइभ क्याम्प सुरु

काठमाण्डौ । नेपालमा सेरेस र नामी इलेक्ट्रिक सवारी साधनहरूको आधिकारिक वितरक एमएडब्ल्यू वृद्धिले आज माघ २१ देखि २३ गतेसम्मका लागि भरतपुरको सीएमटी रिसोर्टमा आफ्नो एक्सचेन्ज र टेस्ट ड्राइभ क्याम्पको आयोजना गरेको छ। यो तीन दिने कार्यक्रमले ग्राहकहरूलाई विद्युतीय गतिशीलतामा भएका नवीनतम प्रगतिहरूबारे बुझ्ने रोमाञ्चक अवसर प्रदान गर्ने कम्पनीको विश्वास छ। साथै, विशेष अफरको रूपमा कार्यक्रम अवधिभर सेरेस र नामी ईभी खरिद गर्ने ग्राहकहरूले निःशुल्क ७ किलोवाट चार्जर प्राप्त गर्नेछन्।

ग्राहकहरूलाई थप लाभ स्वरूप एमएडब्ल्यू वृद्धिले नामी र सेरेस खरिद गरी विद्युतीय गतिशीलताको अर्को पुस्तामा स्तरोन्नति गर्ने ग्राहकहरूलाई असाधारण विनिमय मूल्य र विशेष बोनसहरू पनि प्रदान गर्नेछ।

सहभागीहरूलाई प्रत्येक टेस्ट ड्राइभ र सवारी मूल्याङ्कनका लागि रोमाञ्चक उपहारहरू प्रदान गरिनेछ । जुन सबैका लागि एक अविस्मरणीय अनुभव हुने पक्का छ। कार्यक्रममा सुविधाजनक अन–द–स्पट फाइनान्सिङ विकल्पहरू पनि रहेका छन् । जसले ग्राहकहरूलाई सुलभ ब्याजदरमा नयाँ सेरेस वा नामी ईभीहरू किनेर घर लैजान सघाउने छ।

सबैका लागि उपयुक्त र रमाइलो वातावरणमा सहभागीहरूले खानाका स्टलहरूबाट विभिन्न स्वादिष्ट परिकारहरूको आनन्द लिँदै नवीन, सुविधा सम्पन्न विद्युतीय सवारी साधनहरूको रोमाञ्चक परीक्षण ड्राइभ पनि गर्न सक्नेछन्।