हुन्डाईले डुअल सिलिन्डरका साथ लञ्च गर्यो सबैभन्दा सस्तो सीएनजी एसयुभी, मूल्य कति ?

काठमाण्डौ । हुन्डाई मोटर इण्डियाले आफ्नो चर्चित र सबैभन्दा सस्तो एसयुभी ‘एक्सटर सीएनजी’को नयाँ किफायती भेरियन्ट लञ्च गरेको छ । एक्सटर हाई–सीएनजी इन्ट्री लेबल एक्स भेरियन्टका साथ उपलब्ध छ ।  

यो नयाँ भेरियन्टको सुरुवाती मूल्य ७.५ लाख भारु(एक्स शोरुम)निर्धारण गरिएको छ । यसअघि एक्सटर सीएनजीलाई मिड–स्पेक एस, एसएक्स र एससी नाइट एडिशनका साथ पेश गरिएको थियो । नयाँ एक्स ट्रिमको सुरुवातका साथ एक्सटर हाई–सीएनजी अब १ लाख भारुसम्म सस्तो भएको छ ।  

लुृक्स र डिजाइनको मामिलामा यो रेगुलर एक्सटर एसयुभी जस्तो छ । यसमा कम्पनीले डृुअल–सिलिन्डर प्रविधिको प्रयोग गरेको छ । अर्थात कारमा दुईवटा अलग–अलग साना सीएनजी ट्याङ्क रहेको छ । जसलाई बुट अर्थात कारको डिक्कीको तल राखिएको छ ।  

यसमा १.२ लिटर क्षमताको फोर–सिलिण्डर पेट्रोल इन्जिन दिइएको छ । जसले ६९ एचपी पाव र तथा ९५.२ एनएम टार्क जेनेरेट गर्नसक्छ । यो इन्जिनलाई ५ स्पीड म्यानुअल गियरबक्सका साथ जोडिएको छ । कम्पनीका अनुसार यसमा ६० लिटरको फ्युल ट्याङकी रहेको छ । यो सीएनजी एसयुभीले २७.१ किमी÷किग्रासम्मको माइलेज दिन सक्छ ।