ताइवानको ‘चाइना एयरलाइन्स’ले बोइङको १४ वटा विमान खरिद गर्ने

काठमाण्डौ । ताईवानको हवाई कम्पनी‘चाइना एयरलाइन्स’ले बोईङको १४ वटा ७७७एक्स वाइड बडी विमान अर्डर गरेको छ । यसबारे बोइङले जानकारी दिएको हो ।

कुल १४ वटा विमानको अर्डरमध्ये १० वटा बोइङ ७७७–९ यात्रुवाहक विमान र चारवटा बोइङ ७७७–८ मालसामान ढुवानी गर्ने विमान रहेको कम्पनीले जनाएको छ ।

यसका साथै कम्पनीले थप ५ वटा ७७७–९ र चारवटा ७७७–८ ढुवानी गर्ने विमान खरिद गर्ने विकल्प समेत पेश गरेको छ ।

ताइवानको सबैभन्दा ठूलो विमान कम्पनीले चाइना एयरलाइन्सले गत डिसेम्बर महिनामा १० वटा बोइङ ७७७–९ र १० वटा एयरबस ए३५०–१००० तथा चारवटा ढुवानी गर्ने विमान ७७७–८, ११.९ बिलियन डलरमा खरिद गर्ने जनाएको थियो ।

नयाँ विमानको डेलिभरी सन् २०२९ देखि हुने जनाइएको छ ।