साताभर घटेको बजारमा प्राविधिक रुपमा अबको सम्भावना कस्तो ?

काठमाण्डौ । यो साता सेयर बजारमा ४ दिन कारोबार भयो । अघिल्लो साता सेयर बजारमा ५  दिन नै सेयर कारोबार भएको थियो ।  यो साता ४ दिन कारोबारमा बजार ४ दिन नै घट्यो । अघिल्लो साता २ हजार ६६१.६४ को विन्दुमा बन्द भएको बजार यो साता २ हजार ६११.८५ विन्दुमा बन्द भयो ।  यस हिसाबले यो साता बजार ४९.७९ अंकले घट्यो ।  

अघिल्लो साता भने बजार ३७.८१ अंकले बढेको थियो । यो साता ४ दिनको कारोबारमा ३५ अर्ब ६५ करोडको कारोबार भयो । अघिल्लो साता भने ५ कारोबार दिनमा ४७ अर्ब ७९ करोडबराबरको सेयर कारोबार भएको थियो ।  

यो साता बजार पूँजीकरण ४३ खर्ब ४४ अर्ब रह्यो । यस्तो काराबोर अघिल्लो साता ४४ खर्ब २७ अर्ब रहेको थियो । यस हिसाबले यो साता नेप्से परिसूचक र कारोबार दुबै घट्यो । बजार घट्दा यो साता लगानीर्ताको सम्पत्ति ८३ अर्बले घट्यो  ।  

प्राविधिक पक्षः  

अघिल्लो साता एकै दिन ६२.२५ अंकले बढेपछि बजारको यात्रा कमजोर देखिएको छ । त्यसपछि बजार लगातार पाँच कारोबार दिन नै घट्यो ।  

तर बजारले पाँच कारोबारमा एक दिन बढे बराबर अर्थात ६१.८१ अंक गुमाएको छ । यस हिसाबले प्राबिधिक रुपमा नियाल्दा यो साता बजारले एउटा लोअर हाई बनाएको छ । तर लोअर लो भने बनि नसकेको अबस्था रहन्छ । यो साता २६११ विन्दुमा बन्द भएको बजारले अबको सपोर्ट २५८० विन्दु आसपासमा लिन सक्छ । यदि यहाँबाट बजार फर्कन्छ भने बजारले डबल बटम बनाएर माथिको यात्रा लिन सक्छ । तर बजारमा अति खराब अबस्था आएको खण्डमा यो विन्दुमा सपोर्ट लिन सकेन भने त्यसपछि इलिअट वेभको ‘ए’ बराबर ‘सी’ वेभ हुन्छ भन्ने सिद्धान्तको आधारमा बजारको करेक्सन २४४० विन्दुसम्म पनि हुन सक्छ ।  

कारोबार तथा भोल्युमबाट नियाल्दा यो साता बजारले २० दिनको मूभिङ एभरेजको भोल्युम भन्दा तल आएर बन्द भएको छ । यस हिसाबले पनि बजारमा केही समय साइडवेजको सम्भावना अधिक देखिन्छ । पिभट् प्वइन्टबाट नियाल्दा पनि यो साता पिभट् प्वइन्ट भन्दा तल बन्द भएको कारण बजारमा बिक्री दबाब आएको देखिन्छ ।  

बोलिङ्गर ब्याण्ड , म्याक्डी र आरएसआई  

बोलिङ्गर ब्याण्डको आधारमा यो साताको बजारले मध्य ब्याण्डमा प्रतिरोध सामना गरेको छ । तर तल्लो ब्याण्डमा आइसकेको अबस्था भने छैन । म्याक्डीमा यो साता बजारमा बियरिस क्रसओभर बनेको छ । आरएसआई ३९ को तहमा चलेको देखिन्छ । एमएफआई ३२ को तहमा रहेको छ । समग्रमा इन्डिकेटरबाट नियाल्दा यो साता बजारमा करेक्सन आएको र अझै केही समय चल्न सक्ने देखिन्छ ।  

तस्बिर यहाँ राख्ने

पिभट् प्वइन्टः  

पिभट विश्लेषणमार्फत सेयर तथा डेरिभेटिभको  अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – २८१९

प्रतिरोध २ – २७७९

प्रतिरोध १–  २७०१

पिभट् प्वइन्टः २६६२

घटेमा सपोर्ट  

सपोर्ट १– २५८४

सपोर्ट २– २५४४

सपोर्ट  ३ –२४६६

निष्कर्षः यो साता नेप्सेमा करिब ५० अंकको गिरावट आयो । अघिल्लो साता बजार करिब ३८ अंकले बढेको थियो  । डेली बेसमा बजारलाई बोलिङ्गर ब्याण्डबाट नियाल्दा यो साता बजारले  मध्य ब्याण्डमा प्रतिरोध सामना गरेको छ । आरएसआई न्यूट्रल जोन ४१ मा चलेको देखिन्छ । मूभिङ एभरेजबाट नियाल्दा पनि बजार ५० दिने मूभिङ एभरेज र २०० दिने मूभिङ एभरेजबाट पनि तल खसेको छ ।  

कारोबार तथा भोल्युमबाट नियाल्दा पनि बजार २० दिने मूभिङ एभरेज भन्दा तल खसेको छ । यस हिसाबले बजारलाई बिभिन्न प्राइस एक्सन तथा मुभिङ एभरेजबाट नियाल्दा बिक्री दबाब परेको देखिन्छ । क्षेत्रगत रुपमा यो साताको बजारलाई नियाल्दा बिकास बैंक र होटल्स क्षेत्रमा बाहेक सबै क्षेत्रमा रातो पोतियो ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।