आइजीआई प्रुडेन्सियलद्वारा बीमा दाबी भुक्तानी बुझिलिन आग्रह

काठमाण्डौ । आइजीआई प्रुडेन्सियल इन्स्योरेन्स लिमिटेडले आव २०८१÷८२ चैत मसान्तसम्मको बीमा दाबी भुक्तानी बुझिलिन आग्रह गरेको छ । कम्पनीले एक सूचना जारी गर्दै कम्पनीका बीमितहरुको २०८१ चैत्र मसान्त सम्ममा क्षति भई कम्पनीमा प्राप्त हुन आएको बीमा दाबी सम्बन्धमा हालसम्म सर्भेयर वा बीमा कम्पनीमा आवश्यक कागजात पेश नभएको र सम्पर्कमा नआएका बीमितहरुलाई यस्तो आग्रह गरेको हो ।  

यस्ता बीमितहरुले सूचना प्रकाशित भएको ३५ दिनभित्र आवश्यक कागजात सहित कम्पनी वा सम्बन्धित सर्भेयरसँग सम्पर्क गरि दाबी भुक्तानी प्रकृया अगाडि बढाउन कम्पनीले आग्रह गरेको छ ।  

तोकिएको समयभित्र आवश्यक कागजात सहित सम्पर्कमा नआएका बीमा दाबीका फाईलहरु बन्द गरिने व्यहोरा समेत कम्पनीले उल्लेख गरेको छ ।