.gif)
_(1).gif)
.png)
काठमाण्डौ । साताको अन्तिम कारोबार दिन सेयरबजारमा नेपाल पुनर्बीमा कम्पनीको प्रोमोटर सेयर सर्वाधिक कारोबार भयो । कम्पनीको ५६ करोड २० लाख रुपैयाँको प्रोमोटर सेयर खरिदबिक्री भएको थियो ।
स्रोतका अनुसार संस्थापक सेयरधनी हिमालयन एभरेष्ट इन्स्योरेन्सको २० लाख कित्ता सेयर प्रतिकित्ता २८१ रुपैयाँका दरले बिक्री भएको हो ।
(1).gif)
नेप्सेको फ्लोसिटअनुसार बिहिबार नेपाल रि इन्स्योरेन्सको प्रोमोटर सेयर कुल २० वटा कारोबार भएको छ । ब्रोकर नं. १६ प्राइमो सेक्युरिटिज प्रा.लि.बाट बिक्री भएको सेयर ब्रोकर नं. ४९ अनलाइन सेक्युरिटिज प्रा.लि.बाट खरिद भएको देखिएको छ ।
स्रोतका अनुसार हिमालयन एभरेष्ट इन्स्योरेन्सको नाममा रहेको नेपाल रि ले बेचेको उक्त सेयर लक्ष्मी सनराईज बैंकले खरिद गरेको छ । यो सँगै हिमालयन एभरेष्ट इन्स्योरेन्स नेपाल पुनर्बीमा कम्पनीबाट बाहिरिएको छ ।
हालसम्म हिमालयन एरभेष्ट इन्स्योरेन्ससहित ४ वटा संस्थापक नेपाल पुनर्बीमा कम्पनीको सेयर बेचेर बाहिरिसकेका छन् । यसअघि प्रभु इन्स्योरेन्स, नेपाल इन्स्योरेन्स, विशाल ग्रुपले आफ्नो नाममा रहेको नेपाल रि को सेयर बिक्री गरी कम्पनीबाट बाहिरिएका थिए ।
कम्पनीबाट धमाधम संस्थापक सेयरधनी बाहिरिंदा यसको प्रत्यक्ष असर दोस्रो बजारमा पर्न थालेको छ । बजार जानकार तथा लगानीकर्ताहरुले नेपाल रि बाट पुराना संस्थापक बाहिरिंदा कम्पनीको व्यवसाय तथा सेयरधनीलाई दिने लाभांश क्षमता घट्दै गएको अड्कल लगाउन थालेका छन् ।
.png)
(1).png)
.png)
(64).jpg)
.gif)
(1).gif)
.gif)
