धितोपत्र बोर्डले दियो दुई खुलामुखी योजना निष्कासनको अनुमति

काठमाण्डौ । नेपाल धितोपत्र बोर्ड (सेबोन)ले दुई मर्चेण्ट बैंकलाई खुलामुखी योजना सार्वजनिक निष्कासनको अनुमति दिएको छ ।

बोर्डले सिटिजन्स क्यापिटलको ‘सिटिजन्स सदाबहार योजना’ र एनआइसी एशिया क्यापिटलको ‘एनआइसी एशिया इक्विटी लिङ्क्ड इन्भेष्टमेन्ट स्किम’को इकाई बिक्री खुला गर्न अनुमति दिएको हो ।

यी दुबै खुलामुखी योजना हुन् । सिटिजन्स क्यापिटलले १० रुपैयाँ अंकित मूल्यको ५० करोड रुपैयाँ बराबरको ५ करोड इकाई बिक्री गर्न अनुमति पाएको हो । सिटिजन्स क्यापिटलको यो पहिलो खुलामुखी योजना हो ।

त्यस्तै, एनआइसी एशिया क्यापिटलले १ अर्ब रुपैयाँ बराबरको कुल १० करोड इकाई बिक्री गर्न अनुमति पाएको हो । एनआइसी एशिया क्यापिटलको यो दोस्रो खुलामी योजना हो । यसअघि क्यापिटलको ‘एनआइसी एशिया डायनामिक डेब्ट फण्ड’ सञ्चालनमा आइसकेको छ ।