.gif)
(2).gif)
(2).png)
_(1).gif)
काठमाण्डौ । यो साता सेयर बजारमा ५ दिन कारोबार भयो । अघिल्लो साता पनि ५ दिन नै सेयर कारोबार भएको थियो । यो साता ५ दिन कारोबारमा बजार ३ दिन घट्यो भने २ दिन बढ्यो । अघिल्लो साता २ हजार ६५५.३८ को विन्दुमा बन्द भएको बजार यो साता २ हजार ६२८.९१ विन्दुमा बन्द भयो ।
यस हिसाबले यो साता २६.४७ अंकले सेयर बजारमा गिरावट आयो । अघिल्लो साता भने बजार १४.४२ अंकले बढेको थियो । यो साता दोस्रो बजारमा ५ दिनको कारोबारमा ५२ अर्ब ६० करोडको सेयर कारोबार भयो । यो भनेको पछिल्लो १५ हप्ता पछिकै उच्च कारोबार हो । अघिल्लो साता ५ दिन कारोबारमा ५० अर्ब ४१ करोडको सेयर कारोबार भएको थियो ।
यो साता बजार पूँजीकरण ४३ खर्ब ७९ अर्ब रह्यो । अघिल्लो साता यस्तो बजार पूँजीकरण ४४ खर्ब २३ अर्ब थियो । यस हिसाबले यो साता बजार घट्दा लगानीकर्ताहरुको सम्पत्ति ४४ अर्बले घट्यो ।
मुभिङ एभरेजका आधारमा
मुभिङ एभरेज भन्नाले खास गरी मुभ हुँदै एभरेज निकाल्ने विधिलाई बुझिन्छ । कति दिनको औषत गणना गर्ने हो भन्ने विशेषगरी कति समयको उतारचढावलाई हेर्ने हो भन्ने कुराले निर्धारण गर्छ ।
छोटो समयको उतारचढावलाई हेर्ने हो भने विशेषगरी कम समयको तथ्यांकको समूहलाई आधार बनाई औसत निकालिन्छ ।
त्यसैगरी मध्यमस्तर तथा दीर्घकालीन समयका लागि लामो समयको तथ्यांकको औषत निकालिने गरिन्छ । यो साताको बजारलाई ५० दिने र २०० दिने मुभिङ एभरेजका आधारमा बजारलाई नियाल्दा यस अघि नै बजारले २०० दिने रेखाबाट तल खसेको थियो । तर यो साता पनि बजार ५० दिने रेखाबाट तल खसेको देखिन्छ । यसले बजारमा अझै केही साता बिक्री दबाब आउन सक्ने अनुमान लगाउन सकिन्छ ।
.gif)
इचिमोकू क्लाउड
इचिमोकु क्लाउड इन्डिकेटर सन् १९६८ मा एक जापानिज नागरिकले प्रतिपादन गरेका थिए । प्रतिपादनसँगै यो इन्डिकेटर त्यहाँस्थित एउटा टोकियो न्युज पेपरमा प्रकाशित भएको थियो । योसँगै यो इन्डिकेटर संसारभर प्रयोगमा आएको हो ।
अन्य इन्डिकेटरजस्तै यसमा पनि विभिन्न रेखाहरु र क्यान्डल स्टिकको गतिलाई चार्टमा राखेर विश्लेषण गरिन्छ । यदि मूल्य रेखाहरु क्वाउड पोजिसन भन्दा माथि चलेमा बजार बुल र तल चलेमा बियरिस भन्ने बुझिन्छ । यस आधारमा पनि यो साताको बजार क्लाउड भन्दा तल खसेको छ ।
पिभट् प्वइन्टः
पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ – २९४१
प्रतिरोध २ – २८५६
प्रतिरोध १– २७७४
पिभट् प्वइन्टः २६८९
घटेमा सपोर्ट
सपोर्ट १– २६०८
सपोर्ट २– २५२३
सपोर्ट ३ –२४४१
निष्कर्षः यो साता नेप्सेमा करिब २६.४७ अंकको गिरावट आयो । अघिल्लो साता बजार १४.४२ अंकले बढेको थियो । पिभट् मार्फत नियाल्दा यो साता पनि बजार पिभट् प्वइन्ट २६८९ भन्दा तल बन्द भएको छ । विभिन्न इन्डिकेटरहरुबाट नियाल्दा पनि बजार साइडवेजमा चलेको देखिन्छ । कारोबार तथा भोल्युमबाट हेर्दा यो साता बजारमा १५ हप्ता पछिकै उच्च कारोबार भएको छ । बजारलाई मुभिङ एभरेजबाट नियाल्दा भने बजार यो साता ५० दिने रेखाबाट तल खसको छ । यस्ता रेखाहरुले घट्दो बजारमा सपोर्ट र बढ्दो बजारमा प्रतिरोधको काम गरेका हुन्छन् । घट्दो बजारमा यो विन्दुबाट तल खस्नु भनेको बजार केही कमजोर बन्दै छ भन्ने हो ।
क्षेत्रगत रुपमा यो साताको बजारलाई नियाल्दा होटल्स् र उत्पादन बाहेक सबै क्षेत्रमा रातो पोतियो ।
नोटः सेयर बजारमा लगानी जोखिमपूर्ण हुन्छ । यो विश्लेषण कारोबारको लागि सिफारिस भने होइन ।
.jpg)
(1).gif)
.gif)
