(1).gif)
(2).gif)
(169).jpg)
_(1).gif)
.png)
काठमाण्डौ । साताको पहिलो कारोबार दिन आज नेपाल स्टक एक्सचेञ्च (नेप्से) झिनो अंकले बढेको छ । आज नेप्से परिसूचक ०.०८ प्रतिशत अर्थात २.४० अंकले बढेर २ हजार ७०६.३६ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स भने ०.१४ प्रतिशतले घटेर ४६३.७९ विन्दुमा सीमित बनेको छ । यो दिन नेप्सेमा सूचीकृत मध्ये ३१८ वटा स्क्रिप्टको २ करोड ७१ लाख ३२ हजार ३०८ कित्ता सेयर ९ अर्ब ५० करोड रुपैयाँभन्दा बढीको कारोबार भएको छ ।
आजको बजारबारे बजार जानकार सुमन कुमार रिजाल भन्छन्, ‘बजारमा असार मसान्तको सामान्य प्रभाव देखिएको छ । तर कारोबारले भने बजारलाई साथ दिइनै रहेको छ । असार मसान्तपश्चात भने बजारले थप गति लिनेमा विश्वास गर्न सकिन्छ ।’
आज बजार सामान्य बढेर बन्द हुनु भने सकारात्मक पक्ष भएको उनले बताए ।
अर्का बजार जानकार दामोदर गजुरेलले सेक्टर रोटेशन हुँदै बजार चलेको र क्लोजिङको सामान्य असर परेको बताए । ‘गभर्नरका तर्फबाट सकारात्मक कुराहरु आईरहेको छ । कारोबारको हिसाबले बजार अहिले मजबुत नै देखिन्छ । यस हिसाबले हेर्दा बजारमा एक्युमुलेशन चलेको र स्मार्ट लगानीकर्ता बजार प्रवेश गरेको देखिन्छ, ’ उनले भने ।
.gif)
यसकारण बजारमा साउनबाट बलियो बुल देखिने उनले विश्वास व्यक्त गरे ।
यो दिन नेप्सेमा सूचीकृत १३ वटा समूहमध्ये ८ वटा समूहमा हरियाली छायो भने अन्य ५ वटामा रातो पोतियो । अन्य समूह आज सर्वाधिक अर्थात ३.०९ प्रतिशतले बढ्यो । बैंकिङ समूह पनि आज ०.२५ प्रतिशत, फाइनान्स २.१६, लगानी ०.४४, उत्पादन तथा प्रशोधन ०.६३, लघुवित्त ०.०७ र म्युचुअल फण्ड ०.३३ प्रतिशतले बढ्यो ।
धेरै कारोबार गर्ने कम्पनीहरु
यो दिन नेपाल रि इन्स्योरेन्स कम्पनीको सर्वाधिक सेयर कारोबार भयो । आज यो कम्पनीको ४९ करोड ४० लाख बढीको सेयर कारोबार भयो । लक्ष्मी सनराइज बैंकको पनि आज ३७ करोड ८१ लाख,हिमालयन रि इन्स्योरेन्सको ३४ करोड २४ लाख,गार्डियन माइक्रो लाइफको ३२ करोड ८९ लाख र एनआरएन इन्फ्रास्ट्रक्चरको २८ करोड ८४ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका मध्ये एउटा कम्पनीको सेयरमूल्यमा मात्रै अपर सर्किट लाग्यो । नेपाल फाइनान्सको सेयरमूल्यमा आज १० प्रतिशतको वृद्धिका साथ अपर सर्किट लाग्यो ।
गार्डियन माइक्रो लाइफको सेयरमूल्य पनि ७.३६ प्रतिशत,राप्ती हाईड्रोको ५.७० र अपरहेवा खोलाको सेयरमूल्य ५.१८ प्रतिशतले बढ्यो ।
ग्रीन डेभलपमेन्ट बैंकको सेयरमूल्य आज सर्वाधिक अर्थात ८.८७ प्रतिशतले घट्यो । सिन्धु विकास बैंकको सेयरमूल्य पनि आज ५.८१ प्रतिशत र खानीखोला सेयरमूल्य ५.४३ प्रतिशतले घट्यो ।
.png)
(200).jpg)
.jpg)
(1).gif)
.gif)
