(1).gif)
(2).gif)
.jpg)
(1).gif)
.png)
काठमाण्डौ । साताको दोस्रो कारोबार दिन आज नेपाल स्टक एक्सचेञ्च (नेप्से) परिसूचक दोहोरो अंकले घटेको छ । आज नेप्से परिसूचक १.२७ प्रतिशत अर्थात ३५.०९ अंकले घटेर २ हजार ७२८.८० विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.४२ प्रतिशतले घटेर ४७४.३५ विन्दुमा झरेको छ । यो दिन नेप्सेमा सूचीकृत मध्ये ३२१ वटा स्क्रिप्टको २ करोड ११ लाख २ हजार ५४० कित्ता सेयर ८ अर्ब १७ करोड २१ लाख रुपैयाँभन्दा बढीको कारोबार भएको छ ।
आजको बजारबारे नेपाल इन्भेष्टर्स फोरमका अध्यक्ष तुलसीराम ढकाल भन्छन्,‘आजको घटाई असार मसान्तको क्लोजिङको प्रभाव हो । यसका साथै बजारमा आज नाफा बुक समेत देखिएको छ । ब्रोकरले हिसाब मिलाउनु पर्ने भएकाले पनि बिक्री दबाब आएको हो ।’
यो बेला नयाँ सेयर कर्जा पनि प्रवाह नहुने र म्युचुअल फण्ड जस्ता संस्थाहरुले पनि हिसाब मिलान गर्न सेयर बिक्री गर्ने भएका कारण बजारमा बिक्री दबाब आएको र केही दिनमा बजार पुन सम्हालिने उनले बताए ।
.gif)
अर्का बजार जानकार विरेन्द्र विष्ट भन्छन्, ‘मौद्रिक नीति सकारात्मक आउने पहिले नै थाहा भईसकेका कारण बाठा लगानीकर्ता पहिलनै सेयर खरिद गरेको र त्यस्ता लगानीकर्ताले आज नाफा बुक गर्दा बजारमा बिक्री दबाब आएको हो ।’
यद्यपी उनले भोलिबाटै बजारले लय समात्ने बताए ।
यो दिन नेप्सेमा सूचीकृत १३ वटा समूहमध्ये एउटा बाहेक अन्य सबै समूहमा रातो पोतियो । आज हाईड्रो समूह ०.१५ प्रतिशतले बढ्यो ।
आज बैंकिङ समूहमा सर्वाधिक गिरावट आयो । यो समूह आज २.४६ प्रतिशतले ओरालो लाग्यो ।
यस्तै विकास बैंक समूह १.४८ प्रतिशत,फाइनान्स १.१३, होटल ०.२५, लगानी १.२५, जीवन बीमा १.३६, उत्पादन तथा प्रशोधन ०.७८,लघुवित्त १.२३, म्युचुअल फण्ड ०.१७, निर्जीवन बीमा १.०५, अन्य १.२४ र व्यापार समूह ०.६४ प्रतिशतले घट्यो ।
धेरै कारोबार गर्ने कम्पनीहरु
यो दिन एनआरएन इन्फ्रास्ट्रक्चरको सर्वाधिक सेयर कारोबार भयो । यो कम्पनीको आज ४० करोड ८८ लाख बढीको सेयर कारोबार भयो । बुटवल पावरको पनि आज ३९ करोड ४५ लाख, सानिमा बैंकको २४ करोड ७५ लाख, एनआईसी एशिया बैंकको २३ करोड ९० लाख र साहस उर्जाको १८ करोड १० लाख बढीको कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका कुनैपनि कम्पनीको सेयरमूल्यमा अपर सर्किट लागेन । यो दिन माईखाला हाईड्रोको सेयरमूल्य आज सर्वाधिक अर्थात ५.९० प्रतिशतले घट्यो ।
यस्तै हिमालयन हाईड्रोपावरको ४.४८ प्रतिशत, जोशी हाईड्रोको ४.४३ र सिनर्जी पावरको सेयरमूल्य ४.१२ प्रतिशतले बढ्यो ।
सामुदायिक लघुवित्तको सेयरमूल्य आज सर्वाधिक अर्थात ४.४६ प्रतिशतले घट्यो । धौलागिरी लुवित्तको सेयरमूल्य पनि आज ४.३४ प्रतिशत र नेपाल इन्भेष्टमेन्ट मेगा बैंकको सेयरमूल्य ३.८० प्रतिशतले घट्यो ।
.png)
(206).jpg)
.png)
(1)(2)(1).jpg)
