.gif)
(1).gif)
(2).gif)
(26).jpg)
.gif)
.png)
काठमाण्डौ । साताको अन्तिम कारोबार दिन आज पनि नेपाल स्टक एक्सचेञ्च (नेप्से) परिसूचकमा उछाल आएको छ । आज नेप्से परिसूचक २.७१ प्रतिशत अर्थात ७५.८४ अंकले बढेर २ हजार ८७०.६३ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि २.२९ प्रतिशतले बढेर ५००.४९ विन्दुमा पुगेको छ । यो दिन नेप्सेमा सूचीकृत मध्ये ३११ वटा स्क्रिप्टको ३ करोड ८६ लाख ३४ हजार ३५० कित्ता सेयर १६ अर्ब ५९ करोड २१ लाख रुपैयाँभन्दा बढीको कारोबार भएको छ ।
आजको कारोबार एक वर्ष अर्थात गत वर्षको भदौ ११ पछिकै उच्च हो । गत वर्षको भर्दौ ११ गते १८ अर्ब ६५ करोड बढीको कारोबार भएको थियो ।
आजको बजारबारे बजार जानकार निमानन्द कंडेल भन्छन्, ‘असारको क्लोजिङ सकिएका कारण आज बजारमा उछाल आएको हो । साउन तथा भदौलाई प्राय लगानीको सिजनको रुपमा समेत लिइन्छ । आज नयाँ र पुराना सबै लगानीकर्ता सक्रिय भएका कारण बजारमा राम्रो अंकको सुधार देखिएको छ ।’
यसका साथै अर्थ समितिले पनि राष्ट्र बैंकलाई बैंक तथा वित्तीय संस्थाप्रति लचक हुन निर्देशन दिएका कारण पनि बजारमा सुधार आएको उनको बुझाई छ ।
अर्का बजार जानकार गोविन्द प्रसाद घिमिरेले लामो समयपछि आज लगानीकर्ताकाक लागि सुखद दिन रहेको बताए । ‘लचक मौद्रिक नीति र लगानीकर्तामा बढेको आत्मविश्वासका कारण नेप्से परिसूचकमा हरियाली छाएको छ । बजारले सहजै २८ सय विन्दुको मनोवैज्ञानिक आधार पार गरेका कारण नयाँ उचाईको सम्भावना समेत रहेको छ ।’
कम्पनीहको चौथौ त्रैमासिक प्रतिवेदनले बजारको आगामी दिशा तय गर्ने उनले बताए ।
यो दिन नेप्सेमा सूचीकृत १३ वटै समूहमा हरियाली छायो । आज अन्य समूहमा उछाल आएको छ । अन्य समूह आज ५.३७ प्रतिशतले बढ्यो । यस्तै बैंकिङ समूह १.८७, विकास बैंक २.०५, फाइनान्स ३.०६, होटल २.८०, हाईड्रो ३.१५, लगानी ३.३३, जीवन बीमा ३.१९, उत्पादन तथा प्रशोधन २.९३, लघुवित्त २.६७, म्युचुअल फण्ड ०.२४, निर्जीवन बीमा २.४० र व्यापार समूह १.९१ प्रतिशतले बढ्यो ।
धेरै कारोबार गर्ने कम्पनीहरु
यो दिन नेपाल पुनर्बीमा कम्पनीको सर्वाधिक सेयर कारोबार भयो । यो कम्पनीको आज ८४ करोड ४२ लाख रुपैयाँ बढीको सेयर कारोबार भयो । यो दिन बुटवल पावरको पनि ६० करोड ६८ लाख, राधी विद्युत कम्पनीको ५६ करोड ७४ लाख, सानिमा माई हाईड्रोको ४२ करोड ६१ लाख र ङादी ग्रुप पावरको ४१ करोड १७ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका ४ वटा कम्पनीको सेयरमूल्यमा अपर सर्किट लाग्यो । आज ट्रेड टावर,शुभम् पावर,थ्रीस्टार हाईड्रो र इष्टर्न हाईड्रोको सेयरमूल्यमा अपर सर्किट लाग्यो ।
बाराही हाईड्रोको सेयरमूल्य पनि आज ९.९० प्रतिशत, बाराही हाईड्रोको ९ र नेपाल पुनर्बीमा कम्पनीको ८.५३ प्रतिशतले बढ्यो ।
आज एनआईबीएल स्टेबल फण्डको मूल्य सर्वाधिक अर्थात ७.५८ प्रतिशतले घट्यो । एनआईसी एशिया फ्लेक्सी फण्डको पनि ६.२१ र रिलायबल समृद्धि फण्डको ५.७४ प्रतिशतले घट्यो ।
(2).gif)
.gif)
.png)
.jpg)
.jpg)
.png)
.jpg)
