.gif)
(1).gif)
(2).gif)
(1).jpg)
.gif)
.png)
काठमाण्डौ । आर्थिक वर्ष २०८१/८२ मा नेपाल सरकारले सेयर बजारबाट १६ अर्ब ५४ करोड पूँजीगत लाभकर उठाएको छ । यो रकम अघिल्लो आर्थिक वर्षको तुलनामा तीन गुणा भन्दा बढी हो ।
यस्तै यो रकम कुनैपनि एक आर्थिक वर्षमा संकलन भएको हालसम्मकै उच्च हो । यसअघि भने आर्थिक वर्ष २०७७/७८ मा सबै भन्दा बढी राजश्व संकलन भएको थियो । उक्त आवमा सरकारले पूँजीबजारबाट १५ अर्ब राजश्व संकलन गरेको थियो ।
आव २०८१/८२ मध्ये साउन महिनामा सबैभन्दा बढी अर्थात ४ अर्ब २३ करोड राजश्व उठेको छ । यस्तै पुस महिनामा सबैभन्दा कम अर्थात ५८ करोडबराबर राजश्व उठेको छ । गत आर्थिक वर्षको साउन ३० गते करिब ३० अर्बबराबरको सेयर कारोबार भएको थियो । जुन एक दिनमा भएको हालसम्मकै उच्च कारोबार हो ।
आर्थिक वर्ष २०८०/८१ मा भने नेपाल सरकारले पूँँजीबजारबाट ५ अर्ब ५० करोड ७७ लाख रुपैयाँबराबरको राजश्व संकलन गरेको थियो । यो रकम आर्थिक वर्ष २०७९/८० को तुलनामा ४६ प्रतशितले बढी हो ।
यसैगरी, आर्थिक वर्ष २०७९/८० मा सरकारले पूँजीबजारबाट जम्मा २ अर्ब ९७ करोड, आर्थिक वर्ष २०७८/७९ मा १० अर्ब ३५ करोड, आर्थिक वर्ष २०७७/७८ मा १५ अर्ब भन्दा बढीको राजश्व उठाएको थियो ।
आर्थिक वर्ष २०७७/७८ मा सेयर बजार हालसम्मै उच्च विन्दु अर्थात ३२ सय विन्दु पुगेको थियो । त्यस वर्ष एकै दिन २१ अर्बमाथिको कारोबार भएको थियो ।
सेयर बजारमा दीर्घकालिन भन्दा अल्पकालिन लगानीकर्ताले बढी पूँजीगत कर तिर्ने गरेका छन् । अल्पकालिन लगानीकर्ताले नाफा भएको खण्डमा साढे ७ प्रतशित र दीर्घकालिन लगानीकर्ताले ५ प्रतशित पूँजीगत कर तिर्दै आएका छन् । संस्थागत लगानीकर्ताले हाल १० प्रतिशत पूँजीगत लाभकर तिर्दै आएका छन् ।
(2).gif)
.gif)
.png)
.png)
(254).jpg)
(217).jpg)
(231).jpg)
.jpg)
