.gif)
(1).gif)
(2).gif)
(71).jpg)
.gif)
.png)
काठमाण्डौ । पछिल्लो समय धितोपत्र बजार, आईजिन अर्थात ‘इन्टरनेसनल सेक्यूरिटिज आइडेन्टिफिकेसन नम्बर(आईजिन)’को विषयले तात्तिएको छ । धितोपत्र बोर्ड , नेप्से र सीडीएससीमा नयाँ नेतृत्व आएपछि केही नयाँ विषय पनि आएका छन् । खासगरि सीडीएससीले संस्थापक र सर्वसाधारण सेयरमा २ वटा फरक–फरक आइजिन दिने अडान राखेपछि यो विषय लामो समयदेखि विवादमा रहेको छ । पछिल्लोपटक बसेको सीडीएसीको सञ्चालक समितिको बैठकमा पनि यो विषय बाझिएपछि यो विषय थप पेचिलो बनेको छ ।
सीडीएससीले बीमा , बैंक तथा वित्तीय क्षेत्रहरुको हकमा २ वटा आईजिन दिने गरेको छ । तर बाँकी रहेका क्षेत्रमा एउटै आईजिन दिने गरेको देखिन्छ । धितोपत्र कारोबार डिम्याट हुन थालेपछि हरेक कम्पनीहरुलाई आईजिन दिने गरिएको छ । यसमा देशको नामसहितको नम्बर दिईएको हुन्छ । सीडीएससीका अध्यक्ष तथा नेप्सेका सीईओ चुणामणी चापागाइले असल अभ्यास गर्नेगरि यो विषय धितोपत्र बोर्डले नै टुङ्ग्याउनु पर्ने बताए ।
बिजशालालाई जानकारी दिदै एक स्रोतले २ वटा आइजिन राख्ने गरि सञ्चालक समितिले पास गरेर पठाएको दाबी गर्यो । तर नेप्से सीईओ चापागाईले भने यस विषयमा आफूहरुले धितोपत्र बोर्डलाई नै जिम्मा दिएको तर्क गरे । उनले भने ‘असल अभ्यास हुनेगरि यस विषयमा धितोपत्र बोर्डले नै छिनोफानो गर्ला । सम्भवतः छिट्टै हामीलाई यस बिषयमा धितोपत्र बोर्डले नै छलफलको लागि बोलाउदै छ ।’
सीईओ चापागाइले सञ्चालक समितिमा आइजिनको विषयमा भएको मत बाझिएको स्वीकार गरे । उनले भने, ‘एक थरी सञ्चालकले अहिले नै भएको असल अभ्यासलाई निरन्तरता दिने तर्क गरेका छन् भने अर्को थरीेले भने लकिङ पिरेड खुलेपछि आवश्यक कागजात, प्रवन्धपत्र र नियामलवली मिलाए मात्रै २ वटा आइजिनलाई एउटा बनाउनु पर्ने तर्क गरेका छन् ।’
नेप्सेका प्रवक्ता मुराहरी पराजुलीले धितोपत्र बोर्ड अधिकार सम्पन्न नियामक भएकाले यो विषय बोर्डले नै टुङ्गो लाउनु पर्ने बताए । सीडीएससी सञ्चालकहरुमा नेप्सेको सीईओ चूणामणी चापागाई, अर्थ मन्त्रालयबाट केशव कुमार उप्रेति र शरद निरौला , सीडीएससीको प्रबन्ध सञ्चालक प्रविन पन्धक , कम्पनी सचिव सबिना पुजारी र स्वतन्त्र सञ्चालक सुमन कुमार नेपाल रहेका छन् ।
(2).gif)
.gif)
.png)
(217).jpg)
(231).jpg)
.jpg)
.jpg)
