‘सेन्ट्रल केवासी’ मार्फत ग्राहक पहिचान गर्दै ब्रोकर, मल्टिपल ब्रोकरमा उधारो कारोबार गर्ने फन्दामा पर्दै !

Capital Market
बुधबार, श्रावण १४,२०८२ 18:16:15

काठमाण्डौ । सीडीएससीले गत आर्थिक वर्षदेखि सेन्ट्रल केवाईसी लागू गरेको छ । सेन्ट्रल केवाईसी लागू भएपछि ब्रोकरहरुलाई ग्राहकहरुको कारोबार पहिचान गर्न मात्रै सहज नभएर उनीहरुको कारोबारको निगरानी गर्न समेत सहज भएको छ । सेन्ट्रल केवासी भनेको डिम्याटसँग पनि लिंक भएको एउटा ग्राहक पहिचान नम्बर हो ।

हाल केही लगानीकर्ताहरुले ब्रोकर पिच्छे नै खाता खोल्ने र मल्टिपल ब्रोकरहरुमा उधारो कारोबार गर्ने गरको पाइएको छ । यस्तो प्रचलन खासगरि नयाँ ब्रोकर थपिए पछि एकै लगानीकर्ताले १४ वटासम्म डिम्याट खाता खोल्ने गरेको रहस्य पनि भेटिएको छ । केही ब्रोकरहरुले मल्टिपल डिम्याट खाता माग गरेको अबस्थामा यस्तो समस्या देखिएको हो ।

एक ब्रोकरले दिएको जानकारी अनुसार हालको सेन्ट्रल केवासीबाट कुन लगानीकर्ताले कुन ब्रोकरमा के कस्तो कारोबार गरेको छ भन्ने पहिचान हुने गरेको छ । यसले लगानीकर्ताहरुले ब्रोकर चाहर्दै हिड्ने र बढी उधारो कारोबार गर्नेहरु लगानीकर्ता पहिचान गर्न ब्रोकरहरुलाई सहज हुने ति ब्रोकरले दावी गरे ।

डिम्याट खाता, टीएमएस र सेन्ट्रल केवासी आवद्ध गरेर लगानीकर्ताहरुको विगतको कारोबार हिस्ट्री पनि पहिचान हुने ती ब्रोकरले बताए । हाल केही लगानीकर्ताहरुले दोस्रो बजारमा एक ब्रोकरबाट सेयर किनेर अर्को ब्रोकरमा बिओ टु बिओ गर्ने , धेरै ब्रोकरहरुमा उधारो कारोबार राख्ने जस्ता समस्या बढे पछि सेन्ट्रल केवासी मार्फत ब्रोकहरुले ग्राहक कारोबार पहिचान गर्न थालेका हुन् । एउटै व्यक्तिको नाममा यदि धेरै डिम्याट खोलेको अवस्थामा त्यस्ता ग्राहकलाई कोल्बयाट्रल लिभरेजमा कडाई गरिने पनि ती ब्रोकरले दाबी गरे ।