.gif)
_(1).gif)
.png)
.png)
काठमाण्डौ । सिटिजन लाइफ इन्स्योरेन्सले सेयर बजारमा लगानी बढाएको छ । कम्पनीले गत आर्थिक वर्षमा नेप्सेमा सूचीकृत कम्पनीको सेयर तथा इकाईमा कुल १६ करोड ७१ लाख रुपैयाँ लगानी गरेको छ ।
यो लगानी अघिल्लो आव २०७८/७९ को तुलनामा १६६.०८ प्रतिशतले बढी हो । सो आवमा कम्पनीले विभिन्न कम्पनीको सेयर तथा म्युचुअल फण्डहरुमा ६ करोड २८ लाख रुपैयाँ मात्रै लगानी गरेको थियो ।
नेप्सेमा सूचीकृत रहेका कम्पनीहरुमध्ये सिटिजन लाइफले सर्वाधिक वाणिज्य बैंक र सामूहिक लगानी कोष तथा म्युचुअल फण्डको इकाईमा धरै लगानी गरेको छ । कम्पनीले अधिकांश कमर्सियल बैंकको सेयरमा भने लगानी घटाएको छ ।
कम्पनीले ९ वटा कमर्सियल बैंक र एक विकास बैंकको सेयरमा कुल ३ करोड ८१ लाख रुपैयाँ लगानी गरेको छ । जुन यो अघिल्लो आवको तुलनामा १५.२६ प्रतिशतले बढी हो । अघिल्लो आवमा कम्पनीले यी कम्पनीहरुमा ३ करोड ३० लाख रुपैयाँ लगानी गरेको थियो ।
(1).gif)
कमर्सियल बैंकहरुमा पनि कम्पनीले सर्वाधिक एभरेष्ट बैंकको सेयरमा २ करोड ४ लाख रुपैयाँ लगानी गरेको छ । यो लगानी अघिल्लो वर्षको तुलनामा ४४.९२ प्रतिशतले बढी हो । सो वर्षमा कम्पनीले उक्त बैंकको सेयरमा १ करोड ४० लाख रुपैयाँ लगानी गरेको थियो । कम्पनीले एभरेष्ट बैंकको ३६ हजार २६८ कित्ता सेयर खरिद गरी लगानी गरेको हो ।
त्यस्तै, दोस्रोमा एनएमबी बैंकको सेयरमा १ करोड १ लाख रुपैयाँ, तेस्रोमा एनआइसी एशिया बैंकको सेयरमा ५९ लाख रुपैयाँ, हिमालयन बैंकको सेयरमा ५ लाख रुपैयाँ, नेपाल इन्भेष्टमेन्ट मेगा बैंकको सेयरमा ४ लाख रुपैयाँ, माछापुच्छ्रे बैंकको सेयरमा २ लाख रुपैयाँ, नेपाल एसबीआई बैंकमा १ लाख रुपैयाँ र कुमारी बैंकमा ६८ हजार रुपैया लगानी गरेको छ ।
९ वटा वाणिज्य बैंकमध्ये कम्पनीले एभरेष्ट बैंक, एनआइसी एशिया बैंक र नेपाल एसबीआई बैंकको सेयरमा मात्रै लगानी थपेको छ ।
त्यस्तै, कम्पनीले तीन लघुवित्त संस्था, एक हाइड्रोपावर कम्पनी, एक उत्पादन तथा प्रशोधन कम्पनी र एक होटलको सेयरमा १ करोड १३ लाख रुपैयाँ लगानी गरेको छ । जुन यो अघिल्लो वर्षको तुलनामा ११२.९३ प्रतिशतले बढी हो । सो वर्ष यस्ता कम्पनीमा ५३ लाख २८ हजार रुपैयाँ लगानी रहेको थियो । गत वर्षमा कम्पनीले स्वाबलम्बन लघुवित्तको सेयरमा लगानी थपेको छ ।
म्युचुअल फण्डमा मात्रै पौने १२ करोड लगानी
गत आवमा सिटिजन लाइफले १८ वटा म्युचुअल फण्डमा पौने १२ करोड रुपैयाँ लगानी गरेको छ । अघिल्लो आवमा ९ वटा मात्रै फण्डमा २ करोड ४३ लाख रुपैयाँ लगानी गरेको कम्पनीले गत आवमा थप ९ वटा फण्ड गरी कुल १८ वटा फण्डमा ११ करोड ७६ लाख रुपैयाँ लगानी गरेको छ ।
सूचीकृत कम्पनीहरुमा सिटिजन लाइफले सामूहिक लगानी कोष तथा म्युचुअल फण्डहरुमा बढी लगानी गरेको देखिएको छ । गत वर्षको लगानी अघिल्लो वर्षको तुलनामा ३८२.२० प्रतिशतले बढी हो ।
कम्पनीले सर्वाधिक प्रभु स्माट फण्डमा ४ करोड ९५ लाख रुपैयाँ लगानी गरेको छ । त्यस्तै, सिटिजन्स सुपर ३० म्युचुअल फण्डमा १ करोड रुपैयाँ, एनआईबीएल ग्रोथ फण्डमा ५३ लाख रुपैयाँ, एनआइसी एशिया फ्लेक्सी क्याप फण्डमा ५० लाख ८५ हजार रुपैयाँ लगानी गरेको छ ।
यसका साथै कुमारी धनबृद्धि योजना, नबिल फ्लेक्सी क्याप, सिद्धार्थ इन्भेष्टमेन्ट ग्रोथ स्किम–३ र आरबीबी म्युचुअल फण्ड–२ मा ५०–५० लाख रुपैयाँ लगानी गरेको छ ।
.jpg)
.jpg)
.png)
.jpg)
(1).jpg)
.jpg)
.gif)
(1).gif)
.gif)
