(1).gif)
(1).gif)
(8).jpg)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च (नेप्से) झिनो अंकले बढेको छ । आज नेप्से परिसूचक ०.०९ प्रतिशत अर्थात २.६२ अंकले बढेर २ हजार ७८८.३६ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स भने ०.१९ प्रतिशतले घटेर ४७८.८२ विन्दुमा सीमित बनेको छ । यो दिन नेप्सेमा सूचीकृत मध्ये ३२० वटा स्क्रिप्टको १ करोड ९२ लाख ५८ हजार ४४५ कित्ता सेयर ७ अर्ब ४६ करोड ४१ लाख रुपैयाँभन्दा बढीको कारोबार भएको छ ।
अघिल्लो दिन भने ६ अर्ब १६ करोड बढीको कारोबार भएको थियो ।
आजको बजारबारे नेपाल सेयरधनी संघका अध्यक्ष घनश्याम पाण्डे भन्छन्,‘केही संस्थापहरुले लकिङ नखुल्दै सेयर बेचेर बजारबाट निस्किएका कारण अहिले बजार सुृस्त बनेको छ । यद्यपी कम्पनीहरुको रिपोर्ट भने राम्रै आएको छ । यो साता केही साइडवेज रहेतापनि आजबाट भने बजार सम्हालिएको देखिनछ ।’
यस्तै अर्थशास्त्री सूर्यनारायण पौडेल भन्छन्, ‘यो वर्ष चाडपर्वहरु अन्य वर्षको तुलनामा छिटो परेका छन् । यही कारण अटो तथा अन्य सम्पत्ति खरिद गर्नेहरु र चाडपर्वका लागि सामाग्री आयात गर्नेहरु र म्युचुअल फण्डहरुले लाभांश प्रदान गर्न सेयर बिक्री गर्दा बजार साइडवेज चलेको छ । यद्यपी यो बुलभित्रकै करेक्सन हो । बजारमा बुलक सकिएको छैन ।’
त्यसैले आत्तिएर सेयर बेच्नु पर्ने कुनै कारण नभएको उनले बताए । उनका अनुसार प्राविधिक रुपमा पनि बजार २७८० आसपासबाट फर्कन सक्ने उच्च सम्भावना रहेको छ ।
यो दिन नेप्सेमा सूचीकृत १३ वटा समूहमध्ये ८ वटा समूहमा हरियाली छायो भने अन्य ५ वटा समूहमा भने रातो पोतियो ।
धेरै कारोबार गर्ने कम्पनीहरु
यो दिन नेपाल पुनर्बीमा कम्पनीको सर्वाधिक सेयर कारोबार भयो । यो कम्पनीको आज ४७ करोड १७ लाख बढीको सेयर कारोबार भयो । एनआरएन इन्फ्रास्ट्रक्चरको पनि आज ४१ करोड ७७ लाख, बलेफि हाईड्रोको ३६ करोड ८४ लाख, हिमालयन रि इन्स्योरेन्सको २२ करोड ६५ लाख र साहस उर्जाको २२ करोड ३३ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएको एउटा कम्पनीको सेयरमूल्यमा मात्रै अपर सर्किट लाग्यो । यो दिन नेपाल रिपब्लिक मिडियाको सेयरमूल्य ९.९९ प्रतिशतले बढ्यो ।
यस्तै पञ्चकन्या माई हाईड्रोको सेयरमूल्य ५.५६ प्रतिशत,राधी विद्युत कम्पनीको ४.४३ र अपर स्याङ्गे हाईड्रोको सेयरमूल्य ४.२२ प्रतिशतले बढ्यो ।
नेपाल बैंकको सेयरमूल्य आज सर्वाधिक अर्थात ५.९१ प्रतिशतले घट्यो ।
(1).gif)
(1).gif)
(2).gif)
.png)
.gif)
.jpg)
.jpg)
.jpg)
.jpg)
