दुई साताकै न्यून स्तरबाट बढ्यो सुनको भाउ, आज १५ डलरको बढोत्तरी

काठमाण्डौ । दुई साताकै न्यून स्तरमा पुगेको सुनको मूल्य आज बढेको छ । आज अन्तर्राष्ट्रिय बजारमा सुनको मूल्य ०.४५ प्रतिशत अर्थात १५ डलरले बढेको छ ।

यो वृद्धिसँगै सुनको मूल्य प्रतिऔंस ३ हजार ३५१ डलर कायम भएको छ । अमेरिकी ट्रेजरीको न्यून प्रतिफल र लगानीकर्ता अमेरिकी र युक्रेनी राष्ट्रपतिको वार्ताको परिणाम पर्खिरहेको अवस्थामा सुनको मूल्य बढ्न पुगेको हो ।

आज चाँदीको मूल्य समेत बढेको छ । चाँदीको मूल्य ०.१८ डलरले बढ्दै प्रतिऔंस ३८.१३ डलरमा कारोबार भईरहेको छ ।