सुनको मूल्यमा गिरावट,कति पुग्यो भाउ ?

काठमाण्डौ । अन्तराष्ट्रिय बजारमा सुनको मूल्यमा गिरावट आएको छ । पछिल्लो २४ घण्टाको अवधिमा सुनको मूल्य ०.२५ प्रतिशत अर्थात ५.४९ डलरले घटेको हो ।

यो गिरावटसँगै सुनको मूल्य प्रतिऔंस २ हजार १५६.०८ डलरमा झरेको छ ।

सुनको मूल्य घटेपनि चाँदीको भने वृद्धि भएको छ । पछिल्लो २४ घण्टाको अवधिमा चाँदीको मूल्य १.३६ प्रतिशत अर्थात ०.३४ डलरले बढेको छ । अन्तराष्ट्रिय बजारमा चाँदीको मूल्य प्रतिऔंस २५.१८ डलरमा कारोबार भईरहेको छ ।

नेपाली बजारमा भने छापावाला सुनको मूल्य प्रतितोला १ लाख २५ हजार ४ सय रुपैयाँ र तेजावी सुनको मूल्य १ लाख २४ हजार ८ सय रुपैयाँमा कारोबार भईरहेको छ ।