आईपीओको तयारीमा रहेको भेन्चर हायर पर्चेजको साधारण सभाको मिति परिवर्तन

काठमाण्डौ । भेन्चर हायर पर्चेज लिमिटेडले वार्षिक साधारण सभाको मिति परिवर्तन गरेको छ । भदौ २७ गते आयोजना गर्ने तय भएको कम्पनीको ९ औं साधारण सभा अब असोज ५ गते आयोजना हुने भएको हो ।

उक्त सभा काठमाण्डौको पानीपोखरीमा रहेको कम्पनीको दर्ता कार्यालयमा दिउँसो ४ बजेदेखि सुरु हुनेछ । सभामा प्रारम्भिक सार्वजनिक निष्कासन(आईपीओ) मार्फत सेयर बिक्री गर्ने प्रस्ताव पारित गरिनेछ ।

यस्तै १० प्रतिशत नगद लाभांश वितरण गर्ने, सञ्चालक नियुक्ती गरी सञ्चालक समिति पुनर्गठन गर्ने, पूँजी संरचना परिवर्तन गर्ने र सो बमोजिम प्रबन्धपत्र तथा नियमावली संशोधन गर्ने, सञ्चालक समितिको प्रतिवेदन पारित गर्ने र लेखापरीक्षकको नियुक्ती गर्ने जस्ता प्रस्तावहरु पारित गरिनेछ ।