.gif)
(2).gif)
.jpg)
_(1).gif)
.png)
काठमाण्डौ । जापानले लामो समयदेखिको ऋणात्मक ब्याजदर अन्त्य गरेको छ । जापानको केन्द्रीय बैंक‘बैंक अफ जापान’ले ऋणात्मक ब्याजदर अन्त्य गर्ने निर्णय गरेको हो । जापानको केन्द्रीय बैंकले वस्तु तथा सेवाको घट्दो मूल्यलाई नियन्त्रण गर्नका लागि ब्याजदरलाई ऋणात्मक गरेको थियो ।
तर अहिले महंगी वृद्धि भएसँगै केन्द्रीय बैंकले विगत १७ वर्षमा पहिलोपटक ब्याजदर वृद्धि गरेको छ । बैंकले अल्पकालिन ब्याजदर ०.१ प्रतिशत ऋणात्मकबाट बढाएर शुन्यदेखि ०.१ प्रतिशत कायम गरेको छ ।
.gif)
जापानले सन् १९९० देखि वस्तु तथा सेवाको मूल्यमा गिरावटको सामना गरिरहेको थियो । विगतका वर्षहरुदेखि बैंकले शुन्यदेखि ऋणात्मक ब्याजदर कायम गरेर र ठूलो मात्रामा सम्पत्ति बिक्री गरेर विभिन्न मौद्रिक नीतिहरुमार्फत मूल्य बढाउन प्रोत्साहन गरिरहेको थियो ।
‘जापानको अर्थतन्त्रमा केहि सुधारहरु देखिएको तर अझै पनि केहि कमी कमजोरीहरु भने यथावत नै छ ।’मंगलबार जापानको केन्द्रीय बैंकले जारी गरेको विज्ञप्तीमा भनिएको छ ।
मुद्रास्फिती बढेसँगै ब्याजदर पनि बढ्न पुगेको छ र बैंक अफ जापानलाई पनि ऋणात्मक ब्याजदर घटाउन दवाब पर्दे आएको थियो ।
गत साता टोयोटा जस्ता जापानका ठूला कम्पनीहरुले अपेक्षाभन्दा बढी मात्रामा तलब वृद्धिको घोषणा गरेका थिए । केन्द्रीय बैंकले ब्याजदर सामान्यीकरण गर्नुअघि तलब र ज्यालामा उल्लेख्य वृद्धि हुनुपर्ने बताउँदै आएको थियो ।
केन्द्रीय बैंकले ब्याजदरमा गरेको वृद्धि ठूलो नभएपनि यो सन् २००७ पछिकै पहिलो हो । यसअघि जापानको केन्द्रीय बैंक ऋणात्मक ब्याजदर कायम राख्ने विश्वको एक मात्रै केन्द्रीय बैंकको रुपमा रहेको थियो ।
जापानको केन्द्रीय बैंकले ऋणात्मक ब्याजदरको युगलाई अन्त्य गर्नुलाई जापानको बढ्दो जीडीपी वृद्धि,बढ्दो तलब र ज्याला र बढ्दो कर्पोरेट मुनाफाको रुपमा लिइएको छ ।
.png)
.jpg)
.jpg)
(1).gif)
.gif)
