.gif)
_(1).gif)
.jpg)
.png)
काठमाण्डौ । दोश्रो बजारमा कारोबार सुरु भएको दोश्रो दिन पनि सर्वोत्तम सिमेन्टको सेयरमा अपर सर्किट लागेको छ ।
पहिलो दिन झै दोश्रो कारोबार दिन पनि बजार खुलेको केही मिनेटभित्रै यो कम्पनीको सेयरम उच्च खरीदचाप देखिएपछि अपर सर्किट लागेको हो ।
सेयरमूल्य १० प्रतिशतले बढेर प्रतिकित्ता ६७२.७० रुपैयाँ पुगेको छ । आज मात्रै प्रतिकित्ता ६१.१० रुपैयाँले मूल्य बढेको हो ।
(1).gif)
यो कम्पनीले नेपालमे पहिलो पटक बुक बिल्डिङ विधिबाट आईपीओ निश्कासन गरेको थियो । सर्वसाधारणलाई अंकित मूल्यमा २६०.९० रुपैयाँ प्रिमियम जोडेर प्रतिकित्ता ३६०.९० रुपैयाँमा आईपीओ बिक्री गरिएको थियो ।
आईपीओमा मागभन्दा निकै धेरै आवेदन परेको थियो । परेका आवेदनहरुमध्येबाट चिठ्ठा विधिबाट लगानीकर्ताले ५० कित्ताको दरले सेयर पाएका थिए ।
यसरी हेर्दा सर्वोत्तमको आईपीओमा १८ हजार ४५ रुपैयाँ लगानी गर्ने र चिठ्ठाबाट आईपीओ प्राप्त गर्नेले लगानीको केही हप्ताभित्रै ३३ हजार ६३५ रुपैयाँ पुगेको छ । यसरी हेर्दा दुई कारोबार दिनमै आईपीओमा लगानी गर्नेहरुले दोश्रो बजारबाट ८६.३९ प्रतिशतको निकै ठूलो रिटर्न प्राप्त गरेका छन् ।
यो कम्पनीको सेयरमूल्यमा उच्च खरीद चाप देखिएकाले मूल्य अझै माथि पुग्ने सम्भावना देखिन्छ ।
यो समाचार तयार पार्दासम्म यो कम्पनीमा १७ लाख ८६ हजार बढी कित्ताको माग भएको देखिन्छ ।
अन्य सिमेन्ट कम्पनीको कस्तो छ अवस्था ?
सर्वोत्तम सिमेन्टको मूल्यमा दैनिक अपर सर्किट लागिरहेको बेला दोश्रो बजारमा सूचीकृत अन्य सिमेन्ट कम्पनीको मूल्यमा भने करेक्सनको ट्रेण्ड देखिएको छ ।
लगानीकर्ताहरुले नाफा बुकका कारण करेक्सन देखिए पनि सर्वोत्तमको मूल्य बढ्दा बाँकी सिमेन्ट कम्पनीको मूल्य समेत उकालो नै लाग्ने दाबी गरिरहेका छन् ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
