(3).gif)
(2).gif)
(4).gif)
.jpg)
.png)
काठमाण्डौ । साताको पहिलो कारोबार दिन आज नेपाल स्टक एक्सचेञ्च (नेप्से) मा उच्च अंकको गिरावट आएको छ । आज नेप्से परिसूचक ३.०५ प्रतिशत अर्थात ७८.८३ अंकले घटेर २ हजार ५०३.३५ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि २.६४ प्रतिशतले घटेर ४३९.४० विन्दुमा झरेको छ । यो दिन नेप्सेमा सूचीकृत मध्ये ३२४ वटा स्क्रिप्टको १ करोड ४३ लाख ६४ हजार ६८२ कित्ता सेयर ६ अर्ब ७० करोड ७२ लाख रुपैयाँभन्दा बढीको कारोबार भएको छ ।
अर्थशास्त्री तथा सेयर विज्ञ सूर्यनारायण पौडेल भन्छन्, ‘आजको बजार उच्च अंकको घट्नुको मुख्य कारण भनेकै राजनीतिक अस्थिरता हो । जबसम्म देशमा राजनीतिक अस्थिरता कायम रहन्छ तबसम्म बजारले लय लिन सक्दैन । त्यसमाथि दशैं तिहार चाडपर्वको समयमा सेयरबजार खासै बढ्ने सिजन पनि होइन । नेपाल राष्ट्र बैंकले सेयरबजारको लागि खुकुलो नीति ल्याएपनि देशको राजनीतिक अस्थिरताले गर्दा लगानीकर्तामा मनोबल बढ्न सकेको छैन, जसकारण बजारमा ठूलो अंकको गिरावट आएको छ ।’
(1).gif)
(2).gif)
अर्का बजार जानकार नयन बास्तोला पनि राजनीतिक अस्थिरता र सरकारी निकाय तथा नियामक निकायहरुले गहकिलो नीति नल्याएको र भएका नीति तथा नियम कार्यान्वयन नगर्दा सेयरबजार बढ्न नसकेको बताउँछन् । ‘देशको आर्थिक सूचकांकहरु सबै सकारात्मक भए बाबजुत पनि लगानीकर्ताहरुमा नैराश्यता छाउँदा बजार बढ्न सकेको हो, उनले भने, ‘पटक–पटक सरकार परिवर्तन र बनेका कानूनहरु पनि कार्यान्वय नहुँदा सेयरबजारले लय लिन सकेको छैन, जबसम्म स्थिर सरकार र बनेका नियम कानूनहरु पूर्ण रुपमा कार्यान्वयन हुँदैन सेयरबजार यस्तै अवस्थामा रहन्छ ।’
यो दिन नेप्सेमा सूचीकृत १३ वटै समूहमा रातो पोतियो । आज होटल समूह सर्वाधिक अर्थात ४.८४ प्रतिशतले घट्यो ।
यस्तै बैंकिङ समूह २.३० प्रतिशत, विकास बैंक २.९३, फाइनान्स ३.६७, , हाईडो ३.७९, लगानी ३.१३, जीवन बीमा २.५५, उत्पादन तथा प्रशोधन १.९४, लघुवित्त २.८८, म्युचुअल फण्ड ०.९९, निर्जीवन बीमा २.३२,अन्य ४.७९ र व्यापार समूह २.८५ प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल पुनर्बीमा कम्पनीको सर्वाधिक सेयर कारोबार भयो । आज यो कम्पनीको ३८ करोड ७ लाख, एनएलजी इन्स्योरेन्सको ३७ करोड १७ लाख, युनियन हाईड्रोपावरको ३६ करोड ३३ लाख, हिमालयन रि इन्स्योरेन्सको २३ करोड ४६ लाख र सीईडीबी होल्डिङको २२ करोड ४१ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका कुनैपनि कम्पनीको सेयरमूल्यमा अपर सर्किट लागेन । आज नेपाल माईक्रो इन्स्योरेन्सको सेयरमूल्य सर्वाधिक बढ्यो । यो कम्पनीको सेयरमूल्य आज ६.०१ प्रतिशतले बढ्यो । पञ्चकन्या माई हाईड्रोको सेयरमूल्य पनि आज ४.९० प्रतिशत र क्रेष्ट माईक्रो लाइफको सेयरमूल्य १.८२ प्रतिशतले बढ्यो ।
बुटवल पावर कम्पनी आज सर्वाधिक गुमाउने कम्पनीको रुपमा रह्यो । यो कम्पनीका लगानीकर्ता आज ९.२७ प्रतिशतले गुमाए ।
यसैगरी, नेपाल पुनर्बीमा कम्पनीका लगानीकर्ताले ९.१५ प्रतिशत, राधी विद्युत कम्पनीको ८.५०, सीईडीबी होल्डिङ्ग्सको ८.४५ र विन्ध्यवासिनी हाईड्रोपावरका लगानीकर्ताले ८.२७ प्रतिशतले गुमाए ।
.gif)
(1).gif)
.gif)
(1).gif)
(2).gif)
.png)
.jpg)
(1).gif)
