२६ बीमा कम्पनीको सेयरभाउ बढ्यो, सर्वाधिक कमाउनेमा क्रेष्ट माइक्रो लाइफ

काठमाण्डौ । साताको पहिलो कारोबार दिन सेयरबजारमा दोहोरो अंकको बढोत्तरी भएको छ । नेप्से परिसूचक ३०.७५ अंकले बढेर २६३१ को विन्दुमा उक्लिएको छ । नेप्सेमा सूचीकृत ३१९ कम्पनीको २ करोड ९७ लाख ३८ हजार १३९ कित्ता सेयर किनबेच हुँदा ९ अर्ब २० करोड रुपैयाँमाथिको सेयर कारोबार भएको छ । 

आज बीमा समूहका दुईवटै उपसूचक बढेका छन् । जीवन बीमा समूह ४.३५ प्रतिशत र निर्जीवन बीमा समूह १.३३ प्रतिशतले बढेको छ । आज २६ बीमा कम्पनीको सेयरभाउ बढेको छ भने तीन कम्पनीको मात्रै घटेको छ । सर्वाधिक कमाउनेमा क्रेष्ट माइक्रो लाइफ रहेको छ । यो कम्पनीको सेयरभाउ ७.९१ प्रतिशतले बढेर १४१९ रुपैयाँ पुगेको छ । 

त्यस्तै, एशियन लाइफको ४.६१ प्रतिशत, सिटिजन लाइफको ३.७३ प्रतिशत, हिमालयन लाइफको ३.६१ प्रतिशत, आइएमई लाइफको ४.३५ प्रतिशत, एलआइसी नेपालको ५.०५ प्रतिशत, नेपाल लाइफको ६.११ प्रतिशत, नेशनल लाइफको ४.१० प्रतिशत, प्रभु महालक्ष्मी लाइफको ६.२५ प्रतिशत, रिलायबल नेपाल लाइफको २.५१ प्रतिशत, सूर्यज्योति लाइफको ३.७३ प्रतिशत, सन नेपाल लाइफको २.३२ प्रतिशत र सानिमा रिलायन्स लाइफको ४.०८ प्रतिशतले बढेको छ । 

साथै हिमालयन एभरेष्टको १.०२ प्रतिशत, आइजीआई प्रुडेन्सियलको २.६३ प्रतिशत, नेपाल इन्स्योरेन्सको १.९२ प्रतिशत, नेको इन्स्योरेनसको १.५३ प्रतिशत, एनएलजीइको ०.५५ प्रतिशत, प्रभुको ४.२२ प्रतिशत, आरबीसीएलको १.३५ प्रतिशत, सलिकोको २.४४ प्रतिशत, सानिमा जिआइसीको ३.०८ प्रतिशत, शिखरको १.११ प्रतिशत, युनाइटेड अजोडको ३.६८ प्रतिशत, हिमालयन रि को १.४७ प्रतिशत र नेपाल रि को ०.७२ प्रतिशतले बढेको छ । 

आज सर्वाधिक गुमाउनेमा भने नेपाल माइक्रो इन्स्योरेन्स रहेको छ । कम्पनीको सेयरभाउ ३.६४ प्रतिशतले घटेर १४०५ रुपैयाँ कायम भएको छ । साथै सिद्धार्थ प्रिमियरको ०.८५ प्रतिशत र गार्डियन माइक्रो लाइफको १.१९ प्रतिशतले घटेको छ ।