सुरक्षा पन्तले अनावरण गरिन् नयाँ सिजी चिम्नी र एलईडी बल्ब ,कति पर्छ मूल्य ?

काठमाण्डौ । चौधरी ग्रुपअन्तर्गतको सहायक कम्पनी आएल प्रालिले नयाँ सिजी चिम्नी र एलईडी बल्बको अनावरण गरेको छ । कम्पनीले ब्रान्ड एम्बेसडर अभिनेत्री सुरक्षा पन्त र विशिष्ट डिलरहरूको उपस्थितिमा काठमाडौंमा भएको एक कार्यक्रममा नयाँ सिजी चिम्नी र एलईडी बल्बको अनावरण गरेको हो ।

उक्त कार्यक्रममा सिजी ब्रान्डका चार नयाँ मोडलका चिम्नीहरू आधिकारिक रूपमा अनावरण गरिएको कम्पनीले जनाएको छ । । यी चिम्नीहरुको मूल्य २२ हजार देखि २९ हजारसम्म रहेको छ ।

यस्तै कम्पनीले लञ्च गरेको एलईडी बल्कले ५ घण्टा ब्याट्री ब्याकअप दिने र द्रुत चार्जिङ हुने कम्पनीले दाबी गरेको छ । यसमा १२ महिनाको वारेन्टी छ र फ्रीहोल्डरको व्यवस्था रहेको छ । यसको मूल्य ७५० रुपैयाँ निर्धारण गरिएको छ ।