अपर स्याङ्गे हाईड्रोपावरले कमायो ९.१६ लाख खुद नाफा, विद्युत बिक्री आम्दानी १९८% ले बढ्यो

काठमाण्डौ । अपर स्याङ्गे हाईड्रोपावर लिमिटेडले चालु आवको पहिलो त्रैमाससम्मको अपरिष्कृत वित्तीय विवरण सार्वजनिक गरेको छ । जसअनुसार कम्पनीले ९ लाख १६ हजार रुपैयाँ खुद नाफा कमाएको छ । अघिल्लो आवको सोही अवधिसम्म भने कम्पनी १ करोड ३२ लाख रुपैयाँ घाटामा थियो ।  

कम्पनीको विद्यु्त बिक्री आम्दानी वृद्धि भएको छ । कम्पनीले  विद्युत बिक्रीमार्फत कम्पनीले १ करोड ८९ लाख रुपैयाँ आर्जन गरेको छ । यो रकम अघिल्लो आवको सोही अवधिको तुलनामा १९८.१८ प्रतिशतले बढी हो ।  

कम्पनीको वित्त खर्च ९५ लाख ८५ हजारबाट घटेर ७६ लाख ५६ हजारमा सीमित बनेको छ । कम्पनीको रिजर्भको आकार १ करोड ७० लाख रुपैयाँले ऋणात्मक अवस्थामा छ ।  २२ करोड रुपैयाँ चुक्तापूँजी भएको कम्पनीको कुल चालु सम्पत्ति ७ करोड ४३ लाख र कुल चालु दायित्व ८ करोड ९५ लाख रहेको छ । 

समीक्षा अवधिसम्म कम्पनीको प्रतिसेयर आम्दानी(ईपीएस) १.६७ रुपैयाँ , प्रतिसेयर नेटवर्थ ९२.२५ रुपैयाँ, प्रतिसेयर कुल सम्पत्तिको मूल्य २८६.३ रुपैयाँ र तरलता अनुपात ८३.०२ प्रतिशत कायम भएको छ ।