.gif)
_(1).gif)
.png)
काठमाण्डौ । दोश्रो बजारमा कारोबार सुरु भएको चौथो दिनमा पनि सर्वोत्तम सिमेन्टको सेयरमूल्यमा लगातार अपर सर्किट लागेको छ ।
सर्वोत्तमको सेयर मूल्यमा चौथो कारोबार दिन सोमबार पनि १० प्रतिशतले मूल्य बढी अपर सर्किट लागेको हो ।
आज बजार खुलेको केही मिनेटमै सर्वोत्तम सिमेन्टको सेयरमूल्य प्रतिकित्ता ७३.९९ रुपैयाँले बढेर ८१३.८० रुपैयाँको उचाईमा पुगेको थियो ।
(1).gif)
लगातार तेश्रो दिनसम्म देखिएको यो कम्पनीको सेयरमा उच्च खरीद चाप सोमबार(चौथो दिन) भने केही कम देखिएको छ । यो दिन खरीदतर्फ ७ लाख ३७ जार ५१९ कित्ताको माग आएको छ ।
पहिलो तीन दिनमा भने यो कम्पनीको सेयरमा १७ लाखभन्दा बढी कित्ताका लागि लगातार खरीद चाप देखिएको थियो ।
सर्वोत्तमले प्रति कित्ता अंकित दर १०० रुपैयाँमा २६०.९० रुपैयाँ प्रिमियम थपेर प्रतिकित्ता ३६०.९० रुपैयाँको दरले बुक बिल्डिङ विधिबाट आईपीओ निश्कासन गरेको थियो । आईपीओमा उच्च खरीद चाप परेकोले चिठ्ठा विधिबाट बाँडफाँड गरिएको थियो । आईपीओ पाउने प्रत्यकेले ५० कित्ताको दरले सेयर पाएका थिए ।
यसरी लगानीकर्ताले आईपीओमा लगानी गरेको केही साताभित्रै सर्वोत्तम सिमेन्टको सेयरबाट १२६ प्रतिशत हाराहारीको रिटर्न पाएका छन् ।
सर्वोत्तम सिमेन्टको निकै कम कित्ता दोश्रो बजारमा कारोबारमा रहेकोले बलिया वित्तीय सूचक नहुँदा समेत मूल्यमा लगातार सर्किट लगाएको देखिन्छ ।
सर्वोत्तमको मूल्य रकेटको गतिमा दैनिक उडिरहेको बेला अन्य सिमेन्ट कम्पनीको मूल्य भने घटिरहेको छ ।
.gif)
.png)
(4).png)
.jpg)
(1).jpg)
(1).gif)
.gif)
