.gif)
_(1).gif)
.jpg)
.png)
काठमाण्डौ । देशमा सञ्चालिन १४ वटा जीवन बीमा कम्पनीहरुले फागुन महिनामा ११ अर्ब ६५ करोड रुपैयाँबरारबको कुल बीमाशुल्क आर्जन गरेका छन् । जुन माघ महिनाको तुलनामा ७.९७ प्रतिशतले कम हो ।
माघ महिनामा जीवन बीमा कम्पनीहरुले १२ अर्ब ६६ करोड रुपैयाँबराबरको कुल बीमाशुल्क आर्जन गरेका थिए । फागुन महिनामा सबैभन्द धेरै कुल बीमाशुल्क आर्जन गर्नेमा नेपाल लाइफ इन्स्योरेन्स कम्पनी रहेको छ । कम्पनीले एक महिनाको अवधिमा ३ अर्ब ९ करोड रुपैयाँबराबरको कुल बीमाशुल्क आर्जन गर्न सफल भएको छ । सर्वाधिक कुल बीमाशुल्क आर्जन गर्नेमा नेशनल लाइफ दोस्रो स्थानमा रहेको छ । कम्पनीले १ अर्ब ५० करोड रुपैयाँबराबरको कुल बीमाशुल्क आर्जन गरेको छ ।
(1).gif)
यस्तै एलआईसी नेपालले १ अर्ब ४३ करोड,हिमालयन लाइफले १ अर्ब २६ करोड र एशियन लाइफले ७२ करोड रुपैयाँ बढी कुल बीमाशुल्क आर्जन गरेको छ । फागुन महिनामा सबैभन्दा कम कुल बीमाशुल्क आर्जन गर्नेमा राष्ट्रिय जीसवन बीमा कम्पनी रहेको छ । कम्पनीले यो महिनामा २४ करोड ८७ लाख रुपैयाँबराबरको मात्रै कुल बीमाशुल्क आर्जन गरेको छ ।
प्रथम बीमाशुल्कका आधारमा कुन अब्बल ?
फागुन महिनामा जीवन बीमा कम्पनीहरुले २ अर्ब ५५ करोड रुपैयाँ बढी प्रथम बीमाशुल्क आर्जन गरेका छन् । जुन माघ महिनाको तुलनामा १४.४१ प्रतिशतले बढी हो । माघ महिनामा जीवन बीमा कम्पनीहरुले २ अर्ब २९ करोड रुपैयाँबराबरको प्रथम बीमाशुल्क आर्जन गरेको थिए ।
प्रथम बीमाशुल्क आर्जनमा पनि नेपाल लाइफ नै अग्रस्थानमा रहेको छ । कम्पनीले ५६ करोड ५३ लाख रुपैयाँबराबरको प्रथम बीमाशुल्क आर्जन गरेको छ । दोस्रो स्थानमा रहेको नेशनल लाइफले ५० करोड २२ लाख रुपैयाँबराबरको प्रथम बीमाशुल्क आर्जन गरेको छ ।
यसैगरी हिमालयन लाइफले १९ करोड १४ लाख,सूर्यज्योति लाइफले १८ करोड ७३ लाख र एशियन लाइफले १५ करोड ३२ लाख रुपैयाँ प्रथम बीमाशुल्क आर्जन गरेको छ ।
जारी बीमालेखको संख्या
फागुन महिनामा जीवन बीमा कम्पनीहरुले ४ लाख १५ हजार ६७३ वटा बीमालेख जारी गरेका छन् । जुन माद्ध महिनाको तुलनामा कम हो । माघ महिनामा भने कम्पनीहरुले कुल ४ लाख ४८ हजार ६६६ वटा बीमालेख जारी गरेको थिए ।
फागुनमा सबैभन्दा धेरै बीमालेख सानिमा रिलायन्स लाइफले जारी गरेको छ । कम्पनीले यो एक महिनाको अवधिमा कुल ६५ हजार १५८ वटा बीमालेख जारी गरेको छ ।
यस्तै सिटिजन लाइफले ६४ हजार २३१,नेशनल लाइफले ६० हजार ३१९ र सूर्यज्योति लाइफले ४८ हजार ८०४ वटा बीमालेख जारी गरेको छ ।
.png)
.jpg)
(1).jpg)
.jpg)
(1).png)
.gif)
(1).gif)
.gif)
