.gif)
_(1).gif)
.png)
.png)
काठमाण्डौ । दोश्रो बजारमा कारोबार सुरु भएको छैठौं दिनमा पनि सर्वोत्तम सिमेन्टको सेयरमूल्यमा अपर सर्किट लागेको छ । नेपाली सेयर बजारमा दोश्रो बजारमा सूचीकृत भएको लगातार छैठौं दिनसम्म अपर सर्किट लागेका निकै कम कम्पनी मात्र छन् ।
सर्वोत्तम सिमेन्टको बजारमा निकै कम आपूर्ति छ । थोरै कित्ता सेयरमा खेलाडीहरुले लगातार चलखेल गरिरहँदा मूल्य समेत लगातार नै उछालको गतिमा बढिरहेको छ ।
(1).gif)
सर्वोत्तमको सेयर मूल्यमा छैठौं दिन प्रतिकित्ता ८९.५० रुपैयाँले बढेर ९८४.६० रुपैयाँको उचाईमा पुगेको छ ।
छैठौं दिनमा सर्वोत्तम सिमेन्टको खरीदतर्फ १३ लाख ५६ हजार बढीको अर्डर पोस्ट भएको छ । बिक्री गर्ने कोही नहुँदा मूल्य कारोबार सुरु भएको केही समयमै उछालको गतिमा बढेको हो ।
सर्वोत्तमले प्रति कित्ता अंकित दर १०० रुपैयाँमा २६०.९० रुपैयाँ प्रिमियम थपेर प्रतिकित्ता ३६०.९० रुपैयाँको दरले बुक बिल्डिङ विधिबाट आईपीओ निश्कासन गरेको थियो । आईपीओमा उच्च खरीद चाप परेकोले चिठ्ठा विधिबाट बाँडफाँड गरिएको थियो । आईपीओ पाउने प्रत्यकेले ५० कित्ताको दरले सेयर पाएका थिए ।
सर्वोत्तम सिमेन्टको निकै कम कित्ता दोश्रो बजारमा कारोबारमा रहेकोले बलिया वित्तीय सूचक नहुँदा समेत मूल्यमा लगातार सर्किट लगाएको देखिन्छ । अझ सर्वोत्तम सिमेन्टका अध्यक्ष विष्णुप्रसाद न्यौपानेले आफ्नो कम्पनीले प्रिमियममा आईपीओ बेचे पनि नगद लाभांश मात्र दिने, हकप्रद र बोनस नदिने सार्वजनिक घोषणा गरेका थिए । यो घोषणालाई पन्छाएर खेलाडीहरुले सर्वोत्तमका सेयर कित्ताहरु थुपार्ने र बजारमा कृत्रिम अभाव सिर्जना गर्ने काम गरिरहेका छन् ।
.gif)
.png)
.jpg)
.jpg)
.gif)
.gif)
