.gif)
_(1).gif)
.png)
.png)
काठमाण्डौ । आईपीओ परेर दोश्रो बजारमा कारोबार सुरु भएको ७ कारोबार दिनमै लगानीकर्ताहरुले सर्वोत्तम सिमेन्टमा गरिएको लगानीबाट २०० प्रतिशत बढी रिटर्न पाएका छन् ।
सर्वोत्तम सिमेन्टको दोश्रो बजारमा कारोबार सुरु भएको दिनदेखि आज(सातौं)सम्म पनि लगातार अपर सर्किट लागेको छ । जसका कारण यो कम्पनीको सेयरको दोश्रो बजार मूल्य प्रतिकित्ता १०८३ रुपैयाँ पुगेको छ ।
(1).gif)
सर्वोत्तमले प्रति कित्ता अंकित दर १०० रुपैयाँमा २६०.९० रुपैयाँ प्रिमियम थपेर प्रतिकित्ता ३६०.९० रुपैयाँको दरले बुक बिल्डिङ विधिबाट आईपीओ निश्कासन गरेको थियो । आईपीओमा उच्च खरीद चाप परेकोले चिठ्ठा विधिबाट बाँडफाँड गरिएको थियो । आईपीओ पाउने प्रत्यकेले ५० कित्ताको दरले सेयर पाएका थिए ।
यसरी आईपीओ प्राप्त गरेकाहरुले १८ हजार ४५ रुपैयाँ लगानी गरेका थिए । यो लगानी ७ कारोबार दिनमै बढेर ५४ हजार १५० रुपैयाँको उचाईमा पुगेको हो ।
सर्वोत्तम सिमेन्टको बजारमा निकै कम आपूर्ति छ । थोरै कित्ता सेयरमा खेलाडीहरुले लगातार चलखेल गरिरहँदा मूल्य समेत लगातार नै उछालको गतिमा बढिरहेको छ ।
सर्वोत्तम सिमेन्टको निकै कम कित्ता दोश्रो बजारमा कारोबारमा रहेकोले बलिया वित्तीय सूचक नहुँदा समेत मूल्यमा लगातार सर्किट लगाएको देखिन्छ । अझ सर्वोत्तम सिमेन्टका अध्यक्ष विष्णुप्रसाद न्यौपानेले आफ्नो कम्पनीले प्रिमियममा आईपीओ बेचे पनि नगद लाभांश मात्र दिने, हकप्रद र बोनस नदिने सार्वजनिक घोषणा गरेका थिए । यो घोषणालाई पन्छाएर खेलाडीहरुले सर्वोत्तमका सेयर कित्ताहरु थुपार्ने र बजारमा कृत्रिम अभाव सिर्जना गर्ने काम गरिरहेका छन् ।
सातौ कारोबार दिनमा सर्किट लाग्दै गर्दा सर्वोत्तममा १० लाख २७ हजार कित्ताभन्दा बढीको सेयर माग भएको छ । बिक्री गर्ने भने कोही पनि छैनन् । उच्च माग र आपूर्तितर्फ शून्यको अवस्थाले कम्पनीको सेयरमूल्य रकेटको गतिमा बढिरहेको हो ।
.gif)
.png)
.jpg)
.png)
(70).jpg)
(1).jpg)
.gif)
(1).gif)
.gif)
