आज सेयरबजार २८.७३ अंकले बढ्यो, कारोबारमा समेत सुधार

काठमाण्डौ । साताको दोस्रो कारोबार दिन आज सेयरबजार दोहोरो अंकले बढेको छ । आज नेपाल स्टक एक्सचेञ्च(नेप्से) परिसूचक १.१० प्रतिशत अर्थात २८.७३ अंकले बढेर २ हजार ६३९.३७ विन्दुमा पुगेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि ०.८२ प्रतिशतले बढेर ४५४.७९ विन्दुमा पुगेको छ । यो दिन नेप्सेमा सूचीकृत मध्ये ३३५ वटा स्क्रिप्टको १ करोड २४ लाख ५९ हजार ९५१ कित्ता सेयर ६ अर्ब ४७ करोड ३७ लाख रुपैयाँभन्दा बढीको कारोबार भएको छ । अघिल्लो दिन भने ५ अर्ब १ करोड ७५ लाख रुपैयाँभन्दा बढीको कारोबार भएको थियो ।

यो दिन नेप्सेमा सूचीकृत १३ वटै समूहमा हरियाली छायो । आज उत्पादन तथा प्रशोधन समूह सर्वाधिक अर्थात ३.०५ प्रतिशतले बढ्यो । यस्तै बैंकिङ समूह ०.६५, विकास बैंक २.७०, फाइनान्स ०.८३, होटल २.५३, हाईड्रो १.४४, लगानी १.२३, जीवन बीमा ०.४९, लघुवित्त ०.५३, म्युचुअल फण्ड ०.४३, निर्जीवन ०.४२, अन्य ०.७८ र व्यापार ०.२२ प्रतिशतले बढ्यो ।

धेरै कारोबार गर्ने कम्पनीहरु

आज शिवम् सिमेन्टको सर्वाधिक सेयर कारोबार भयो । आज यो कम्पनीको ३८ करोड ६९ लाख बढीको सेयर कारोबार भयो ।

यस्तै, बन्दीपुर केवलकारको २० करोड ९१ लाख, एसवाई प्यानल नेपालको १७ करोड ५१ लाख, श्रीनगर एग्रीटेकको १६ करोड १४ लाख र सागर डिस्टिलरीको १५ करोड ६८ लाख बढीको सेयर कारोबार भयो ।  

धरै कमाउने र गुमाउने कम्पनीहरु

आज नेप्सेमा कारोबार भएका ७ वटा कम्पनीको सेयरमूल्यमा अपर सर्किट लाग्यो । आज सागर डिस्टिलरी, एसवाई प्यानल, श्रीनगर एग्रीटेक, बन्दिपुर केवलकार, रुरु जलविद्युत, बाराही हाईड्रोपावर र दरमखोला हाईड्रो इनर्जीको सेयरमूल्यमा अपर सर्किट लाग्यो । यस्तै हिमस्टार उर्जा कम्पनीको सेयरमूल्य ८.५४ प्रतिशत, नारायणी डेभलपमेन्ट बैंकको ८.५३ र ट्रेड टावरको सेयरमूल्य ८.४८ प्रतिशतले बढ्यो ।

यो दिन सप्तकोशी डेभलपमेन्ट बैंकको सेयरमूल्य सर्वाधिक अर्थात २.४९ प्रतिशतले घट्यो।