इन्फिनिटी लघुवित्तको साधारण सभा सम्पन्न, ४ जना सञ्चालक निर्विरोध निर्वाचित

काठमाण्डौ । इन्फिनिटी लघुवित्त वित्तीय संस्थाको नवौं वार्षिक साधारण सभा सम्पन्न भएको छ । संस्थाको उक्त सभा पुस ३० गते संस्थाको अध्यक्ष विष्णुु कुुमार घिमिरेको अध्यक्षतामा सहमति (संस्था) विजय चोक, गैंडाकोट नवलपरासी (बर्दघाट सुस्ता पूर्व) मा सम्पन्न भएको हो ।

उक्त सभामा संस्थाका कम्पनी सचिव तथा प्रमुख कार्यकारी अधिकृत ज्ञानीश्वर पन्तले सभा सञ्चालन गर्नुका साथै उनले उपस्थित सञ्चालक, अतिथि र सम्पूर्ण सेयरधनीहरुलाई स्वागत गरेका थिए ।

साधारण सभाले मुख्यतया आर्थिक वर्ष २०८१/८२ सम्मको वार्षिक प्रतिवेदन, लेखापरीक्षकको प्रतिवेदन, मर्जर तथा एक्युजिशन सम्बन्धी प्रस्तावहरु र आगामी आर्थिक वर्ष २०८२/८३ को लागी लेखारीक्षकको नियुक्ति, सम्बन्धी प्रस्तावहरु पारित गरेको थियो ।

साथै, सभाबाट निर्वाचन अधिकृत कृष्ण प्रसाद खनालद्वारा आगामी कार्यकालका लागि विष्णु कुमार घिमिरे, राम कृष्ण डंगोल, रमेश कर्मचार्य तथा शशी तिमल्सीना निर्विरोध सञ्चालक समितिमा निर्वाचित भएको जानकारी गराए ।