६५ करोड घाटामा रहेको पोखरा फाइनान्सद्वारा २.३३ करोड नाफा आर्जन

काठमाण्डौ । अघिल्लो आवको दोस्रो त्रैमाससम्म घाटामा रहेको पोखरा फाइनान्स कम्पनी लिमिटेडले नाफा आर्जन गर्न सफल भएको छ । कम्पनीले चालु आवको दोस्रो त्रैमाससम्ममा २ करोड ३३ लाख रुपैयाँ खुद नाफा आर्जन गरेको छ । अघिल्लो आवको सोही अवधिसम्म भने कम्पनी ६५ करोड ३१ हजार रुपैयाँ घाटामा थियो ।  

दोस्रो त्रैमाससम्म कम्पनीले ६ करोड ७३ लाख रुपैयाँबराबरको खुद ब्याज आम्दानी गरेको छ । यो रकम अघिल्लो आवको सोही अवधिको तुलनामा ५२.९१ प्रतिशतले कम हो । अघिल्लो आवमा यस्तो रकम १४ करोड ३० लाख रुपैयाँ थियो । कम्पनीको खुद शुल्क तथा कमिशन आम्दानी पनि ३५ लाख ७५ हजार रुपैयाँबाट घटेर १६ लाख ५९ हजारमा सीमित बनेको छ ।  

कम्पनीको निक्षेप संकलन ७ अर्ब १२ करोडबाट घटेर ७ अर्ब ३८ करोड रुपैयाँ पुगेको छ । कर्जा प्रवाह भने ४ अर्ब ९९ करोड रुपैयाँबाट घटेर ४ अर्ब ४ करोडमा सीमित बनेको छ । 

कम्पनीको खराब कर्जा अनुपात ३२.७७ रुपैयाँ रहेको छ । जुन अघिल्लो आवको सोही अवधिको ३३.४४ प्रतिशतभन्दा कम हो । कम्पनीको इम्पेयरमेन्ट चार्ज ६ करोड ४९ लाख रुपैयाँले रिभर्सल भएको छ ।  

कम्पनीको वितरणयोग्य मुनाफा १ अर्ब ४४ करोड रुपैयाँले ऋणात्मक र लाभांश क्षमता पनि १३३.६३ प्रतिशतले ऋणात्मक रहेको छ ।    

समीक्षा अवधिसम्म कम्पनीको प्रतिसेयर आम्दानी(ईपीएस)५.४५ रुपैयाँ ,प्रतिसेयर नेटवर्थ ५९.३४ रुपैयाँ, प्रतिसेयर कुल सम्पत्तिको मूल्य ७६२.८४ रुपैयाँ र तरलता अनुपात ३९.७७ प्रतिशत कायम भएको छ ।