.gif)
_(1).gif)
.jpg)
.png)
काठमाण्डौ । पिपुल्स पावर कम्पनी लिमिटेडले दुई आर्थिक वर्षको साधारण सभा एकैपटक डाकेको छ । चैत २० गते बसेको कम्पनीको सञ्चालक समितिको बैठकले छैठौं र सातौं वार्षिक साधारण सभा डाकेको हो ।
उक्त सभाहरु आगामी वैशाख १७ गते काठमाण्डौको नक्सालमा रहेको लिसरा ब्यांक्वेटमा बिहान १० बजे आयोजना हुनेछ । उक्त सभामा ५० प्रतिशत अर्थात १ः०.५० अनुपातमा(३१ लाख ६३ हजार कित्ता) हकप्रद जारी गर्ने,हकप्रदपश्चात हुने पूँजीवृद्धिका लागि प्रबन्धपत्र तथा नियमावली संशोधन गर्ने,यस क्रममा अन्य आवश्यक कुरा फेरबदल गर्नु परेमा सञ्चालक समितिलाई पूर्ण अख्तियारी प्रदान गर्ने र नियमनकारी निकायबाट कुनै संशोधन गर्न निर्देशन भएमा सोहि बमोजिम सञ्चालक समितिलाई पूर्ण अख्तियारी प्रदान गर्ने विशेष प्रस्तावहरु पारित गरिनेछ ।
(1).gif)
यसका साथै आर्थिक वर्ष २०७८/७९ र २०७९/८० को सञ्चालक समितिको तर्फबाट अध्यक्षद्वारा प्रस्तुत गरिने वार्षिक प्रतिवेदनमाथि छलफल गरी पारित गरिनेछ । सभामा लेखापरीक्षकको प्रतिवेदनसहित आव २०७८/७९ र २०७९/८० वासलात,नाफा नोक्सान हिसाब तथा नगद प्रवाह विवरण लगायतका वित्तीय विवरणहरुमाथि छलफल गरी पारित गरिनेछ ।
यस्तै सभामा चालु आर्थिक वर्षका लागि लेखापरीक्षकको नियुक्ति तथा निजको पारिश्रमिक निर्धारण गर्ने प्रस्ताव पारित गरिनुका साथै संस्थापक समूहबाट १ जना महिलासहित ५ जना र सर्वसाधारण समूहबाट १ जना सञ्चालकको नियुक्ती/निर्वाचन र सञ्चालक समितिले प्रस्ताव गरेको मध्येबाट १ जना स्वतन्त्र सञ्चालकको नियुक्ती गर्ने प्रस्ताव पारित गरिनेछ ।
वार्षिक साधारण सभा प्रयोजनका लागि कम्पनीले आगामी चैत २९ गते एक दिनका लागि बुक क्लोज गर्ने निर्णय गरेको छ । यसर्थ चैत २८ गतेसम्म नेप्सेमा कारोबार भई कायम भएका कम्पनीहरु मात्रै सभामा सहभागी हुन योग्य हुनेछन् ।
.gif)
.png)
.jpg)
.jpg)
(91).jpg)
(4).png)
.jpg)
.gif)
(1).gif)
.gif)
