८ बीमा कम्पनीको मात्रै सेयरभाउ बढ्यो, सर्वाधिक गुमाउनेमा नेपाल रि इन्स्योरेन्स

काठमाण्डौ । साताको पहिलो कारोबार दिन सेयरबजारमा सामान्य अंकको गिरावट आएको छ । नेप्से परिसूचक ४.१८ अंकले घटेर २८३३.६० विन्दुमा कायम भएको छ ।  

नेप्सेमा सूचीकृत ३४२ कम्पनीको २ करोड १ लाख ६३ हजार ७९३ कित्ता सेयर किनबेच हुँदा ८ अर्ब ६६ करोड रुपैयाँमाथिको सेयर कारोबार भएको छ ।  

आज बीमा समूहका दुई उपसूचकमध्ये जीवन बीमा समूह ०.४६ प्रतिशतले घटेको छ भने निर्जीवन बीमा समूह ०.४६ प्रतिशतले बढेको छ ।

आज ८ बीमा कम्पनीको मात्रै सेयरभाउ बढेको छ । सर्वाधिक कमाउनेमा सिद्धार्थ प्रिमियर इन्स्योरेन्स रहेको छ । कम्पनीको सेयरभाउ ४.७२ प्रतिशतले बढेर ७५४ रुपैयाँ पुगेको छ ।  

त्यस्तै, हिमालयन एभरेष्टको ०.३८ प्रतिशत, नेको इन्स्योरेन्सेका ०.७९ प्रतिशत, आरबीसीएलको १.९६ प्रतिशत, युनाइटेड अजोडको ०.४१ प्रतिशत, गार्डियन माइक्रो लाइफको ०.९६ प्रतिशत, हिमालयन लाइफको ०२५ प्रतिशत र आइएमई लाइफको ०.२२ प्रतिशतले बढेको छ ।  

आज सर्वाधिक गुमाउने बीमा कम्पनीमा भने नेपाल पुनर्बीमा कम्पनी रहेको छ । यो कम्पनीको सेयरभाउ २.४३ प्रतिशतले घटेर १०१४.७० रुपैयाँ कायम भएको छ । त्यस्तै, हिमालयन रि को १.८५ प्रतिशत, आइजीआई प्रुडेन्सियलको १.५१ प्रतिशत, नेपाल इन्स्योरेन्सको ०.२८ प्रतिशत, एनएलजीको १.८६ प्रतिशत, नेपाल माइक्रो इन्स्योरेन्सको ०.०१ प्रतिशत, प्रभु इन्स्योरेन्सको ०.१९ प्रतितशत, सलिकोको १.२८ प्रतिशत, सानिमा जिआइसीको ०.३६ प्रतिशत र शिखरको ०.८३ प्रतिशतले घटेको छ ।  

यसका साथै एशियन लाइफको १.२८ प्रतिशत, सिटिजन लाइफको ०.५३ प्रतिशत, क्रेष्ट माइक्रो लाइफको १.८१ प्रतिशत, एलआइसी नेपालको ०.३६ प्रतिशत, नेपाल लाइफको ०.७६ प्रतिशत, नेशनल लाइफको ०.१७ प्रतिशत, प्रभु महालक्ष्मी लाइफको ०.६२ प्रतिशत, रिलायबल नेपाल लाइफको ०.४३ प्रतिशत, सन नेपाल लाइफको १.२५ प्रतिशत र सानिमा रिलायन्स लाइफको ०.४५ प्रतिशतले घटेको छ ।