सन नेपाल लाइफबाहेक सबै बीमा कम्पनीको सेयरभाउ घट्यो, सर्वाधिक गुमाउनेमा क्रेष्ट माइक्रो लाइफ

काठमाण्डौ  । बिहिबार सेयरबजारमा दोहोरो अंकको गिरावट आएको छ । नेप्से परिसूचक ३३.८३ अंकले घटेर २८३३.०३ विन्दुमा कायम भएको छ ।  

नेप्सेमा सूचीकृत ३४२ कम्पनीको २ करोड ७ लाख ४३ हजार ८८४ कित्ता सेयर किनबेच हुँदा ९ अर्ब ३१ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक घटेको छ । जीवन बीमा समूह ०.९० प्रतिशत र निर्जीवन बीमा समूह १.२८ प्रतिशतले घटेको छ ।  

आज सन नेपाल लाइफ इन्स्योरेन्सको मात्रै सेयरभाउ बढेको छ । कम्पनीको सेयरभाउ ०.३९ प्रतिशतले बढेर ४६३ रुपैयाँ ९० पैसा पुगेको छ ।  सर्वाधिक गुमाउनेमा भने क्रेष्ट माइक्रो लाइफ इन्स्योरेन्स रहेको छ । कम्पनीको सेयरभाउ ४.६५ प्रतिशतले घटेर १२३० रुपैयाँ कायम भएको छ ।  

त्यस्तै, एशियन लाइफको ०.८६ प्रतिशत, सिटिजन लाइफको ०.६४ प्रतिशत, गार्डियन माइक्रो लाइफको १.६५ प्रतिशत, हिमालयन लाइफको १.३८ प्रतिशत, आइएमई लाइफको १.११ प्रतिशत, एलआइसी नेपालको ०.५९ प्रतिशत, नेपाल लाइफको १.०२ प्रतिशत, नेशनल लाइफको ०.१५ प्रतिशत, प्रभु महालक्ष्मी लाइफको १.०५ प्रतिशत, रिलायबल नेपाल लाइफको ०.३० प्रतिशत, सूर्यज्योति लाइफको १.४७ प्रतिशत, सानिमा रिलायन्स लाइफको १.४७ प्रतिशत, हिमालयन रि को २.६१ प्रतिशत र नेपाल पुनर्बीमा कम्पनीको  ३.८१ प्रतिशतले घटेको छ ।

यसका साथै हिमालयन एभरेष्टको १.३२ प्रतिशत, आइजीआई प्रुडेन्सियलको १.५४ प्रतिशत, नेपाल इन्स्योरेन्सको ०.८२ प्रतिशत, नेको इन्स्योरेन्सको १.०९ प्रतिशत, एनएलजीको ०.६३ प्रतिशत, नेपाल माइक्रो इन्स्योरेन्सको २.०८ प्रतिशत, प्रभु इन्स्योरेन्सको १.५३ प्रतिशत, आरबीसीएलको ०.८६ प्रतिशत, सलिकोको ०.५४ प्रतिशत, सानिमा जिआइसीको २.२० प्रतिशत, शिखरको ०.३२ प्रतिशत, सिद्धार्थ प्रिमियरको ३.६९ प्रतिशत र युनाइटेड अजोडको ०.९० प्रतिशतले घटेको छ ।