.gif)
_(1).gif)
.jpg)
.png)
काठमाण्डौं । लगानीकर्ताले सेयर बिक्री गरेको भुक्तानी समयैमै नपाएको भन्दै अख्तियरमा उजुरी हालेका छन् । एक लगानीकर्ताले सेयर बिक्रीबापतको भुक्तानी रकम नपाएको भन्दै अरिख्तयारमा उजुरी हालेको स्रोतले जानकारी दिएको हो ।
ती लगानीकर्ताले धितोपत्र बोर्डमा मात्रै नभएर अख्तियारमा नै उजुरी हालेको स्रोतले जनाएको छ । यस विषयमा अख्तियारबाट धितोपत्र बोर्डलाई पनि पत्र गएपछि आफूहरु पनि झस्किएको सीडीएससीका आधिकारीहरुले बताएका छन् ।
यस विषयमा सत्यतथ्य बुझ्न गत आइतबार २८ वटै ब्रोकरहरुलाई बोलाएर छलफल गरेको सीडीएसीस्थित स्रोतले जानकारी दिएको छ । उक्त बैठकमा ब्रोकरहरुले भने यो विषय समाधान भईसकेको दाबी गरेका छन् । ‘हामीहरुले कसैको भुक्तानी बाँकी राखेका छैनौं । कतिपय अवस्थामा लगानीकर्ताले भुक्तानी नगरेको पैसा पनि आफ्नै हिसाबबाट मिलान गरेका छौं । कुनै ब्रोकरबाट प्राविधिक कारणले केही दिन ढिला भएको होला । तर ब्रोकरबाट भुक्तानी नै नहुने अवस्था भने छैन ।’ एक ब्रोकरले भने ।
.gif)
लामो समयदेखि बजार घटेपछि त्यसको प्रभाब ब्रोकरहरुमा परेको छ । स्रोतले दिएको जानकारी अनुसार हाल २८ वटा ब्रोकरहरुले समयमा नै पैसा भुक्तानी नगरेको भन्दै धितोपत्र बोर्डमा १ हजार ६६ उजुरी परेका छन् । जसमा सबै पुराना ब्रोकरहरु मात्रै छन् । यो आँकडा अघिल्लो आर्थिक बर्षको हो । त्यसैले यस्तो उजुरी अझै बढ्न सक्ने र नयाँ ब्रोकरहरुमा पनि आगामी दिनमा यस्तो समस्या देखिने स्रोतले दाबी गर्यो । यस्ता ब्रोकरहरुमा अधिकांश ठूला ब्रोकरहरु नै रहेका छन् ।
.png)
.jpg)
(1).jpg)
(1)(1).png)
.gif)
.gif)
.gif)
