.gif)
_(1).gif)
.jpg)
.png)
काठमाण्डौ । एलन मस्कको कम्पनी टेस्ला कम्पनीका र भारतीय धनाढ्य मुकेश अम्बानीको कम्पनी रिलायन्स इन्डस्ट्रीज लिमिटेड मिलेर भारतमा कार निर्माण कारखाना स्थापना गर्ने योजना बनाएका छन् ।
हिन्दु बिजनेश लाइनको रिपोर्टका अनुसार टेस्ला र रिलायन्स इन्डस्ट्रिज लिमिटेडले एउटा ज्वाइन्ट भेन्चर कम्पनी स्थापना गर्न वार्तालाप सुरु गरेका छन् । यो विषय सुरुवाति चरणमा रहेको र सबै कुरा योजना अनुरुप भए दुवै कम्पनीले संयुक्त रुपमा भारतमा ईभी कार उत्पादन गर्ने कारखाना स्थापना गर्ने योजनामा काम गर्नेछन् । यो वार्तालाप एक महिनादेखि चलिरहेको रिपोर्टमा उल्लेख गरिएको छ ।
(1).gif)
टेस्लाले भारतमा कारखाना निर्माण गर्नका लागि यसै महिना आफ्नो एउटा टीम पठाउने तयारी समेत गरेको छ । जसले भारतमा २ देखि ३ अर्ब डलरको कारखाना स्थापनाका लागि उपयुक्त ठाउँको पहिचान गर्नेछ ।
बेलायतको फाइनान्सियल टाइम्सले यसबारे जानकारी दिएको हो । रिपोर्टका अनुसार ईभी कार निर्माण कारखानाका लागि उक्त टीमको ध्यान महाराष्ट्र,गुजरात वा तमिलनाडु जस्ता अटोहब राज्यमा केन्द्रित हुन सक्छ । यी राज्यहरुमा बन्दरगाह पनि नजिक पर्ने भएकाले कारखानाका लागि यी स्थानहरु कम्पनीको रोजाइमा पर्ने सक्ने रिपोर्टमा उल्लेख गरिएको छ ।
भारतको केन्द्र सरकारले भारतलाई ईभी उत्पादनको हक बनाउनका लागि नयाँ ईभी नीतिलाई स्वीकृती प्रदान गरेसँगै टेस्लाले भारत प्रवेश गर्ने तयारी गरेको हो । नयाँ ईभी नीतिमा कम्तिमा ४ हजार १५० करोड लगानीको प्रावधान राखिएको छ र अधिकतममा कुनै पनि सीमा तोकिएको छैन ।
यस्तै एलन मस्क यो महिना भारतको प्रधानमन्त्री नरेन्द्र मोदीलाई भेट्न भारत आउने भएका छन् । समाचार एजेन्सी रोयटर्सका अनुसार मस्क यो महिनाको २२ देखि २७ गतेका बीच भारत आउने छन् ।
.gif)
.png)
.jpg)
.jpg)
.gif)
.gif)
