सिवाईवी नेपाल लघुवित्तको सीईओमा श्रेष्ठ नियुक्त

काठमाण्डौ । सिवाईवी नेपाल लघुवित्त वित्तीय संस्था लिमिटेडको प्रमुख कार्यकारी अधिकृत(सीईओ)मा राधेश्याम श्रेष्ठ नियुक्त भएका छन् । संस्थाको वैशाख १७ गते बसेको सञ्चालक समितिको बैठकले श्रेष्ठलाई सीईओ नियुक्त गर्ने निर्णय गरेको हो ।

श्रेष्ठलाई जेठ १५ गतेदेखि लागू हुनेगरी सीईओ नियुक्त गरिएको हो । यसअघिका संस्थाको सीईओ डोलिन्द्र प्रसाद शर्माले गत चैत ४ गते राजीनामा दिएका थिए । 

उनको राजीनामा चैत २४ गते बसेको संस्थाको सञ्चालक समितिको बैठकले जेठ १५ गतेदेखि लागू हुनेगरी स्वीकृत गरेको थियो ।