.gif)
_(1).gif)
.jpg)
.png)
काठमाण्डौ । सोपान मल्टिपल कम्पनी लिमिटेडले प्रिमियम मूल्यमा आईपीओ निष्कासन गर्ने तयारी गरेको छ । कम्पनीको सर्वसाधारणका लागि आईपीओ निष्कासनको प्रस्ताव पारित गर्न वार्षिक साधारण सभा डाकेको छ ।
उक्त सभा आगामी वैशाख २२ गते शनिबारका दिन काठमाण्डौको लैनचौरमा रहेको लैनचौर ब्याङक्वेटमा दिनको १ बजे सुरु हुनेछ । उक्त सभामा नियमनकारी निकायको स्वीकृतीबाट प्रिमियम मूल्यमा सर्वसाधारणमा आईपीओ निष्कासन गर्ने र नियमनकारी निकायबाट प्रबन्धपत्र तथा नियमावलीमा कुनै फेरबदल,थपघट वा सामान्य संशोधनका लागि निर्देशन प्राप्त भएमा सोहि बमोजिम गर्न सञ्चालक समितिलाई अख्तियारी प्रदान गर्ने विशेष प्रस्ताव पारित गरिनेछ ।
कम्पनीले अंकित मूल्य १०० रुपैयाँमा १०६ रुपैयाँ थप गरेर प्रतिकित्ता २०६ रुपैयाँमा आईपीओ निष्कासनको प्रस्ताव साधारण सभाबाट पारित गर्ने तयारी गरेको छ । हाल कम्पनीको चुक्तापूँजी १०६ करोड रुपैयाँ रहेको छ ।
(1).gif)
उक्त सभामा गत आर्थिक वर्षको वार्षिक प्रतिवेदन तथा २०८० असार मसान्तसम्मको वासलात,नाफा नोक्सान हिसाब,नगद प्रवाह विवरण, लेखापरीक्षकको नियुक्ती तथा निजको पारिश्रमिक निर्धारण गर्ने र सञ्चालक समितिबाट सिफारिस स्वतन्त्र सञ्चालकलाई नियुक्त गर्ने प्रस्ताव पारित गरिनेछ ।
विस २०६५ सालमा स्थापित सोपान मल्टिपल कम्पनीले शिक्षा,स्वास्थ्य,जलविद्युत,रियल स्टेट र पूर्वाधारजस्ता क्षेत्रमा लगानी गर्ने गरेको छ ।
.gif)
.png)
.jpg)
.jpg)
(91).jpg)
(4).png)
.jpg)
.gif)
(1).gif)
.gif)
