वियरिस मारुबुजु क्याण्डल बनाएको बजारको अबको सपोर्ट कति–कतिमा ?

STOCK MARKET
सोमबार, बैशाख ३,२०८१ 19:05:35

काठमाण्डौ । साताको दोस्रो कारोबार दिन आज सेयर बजार करिब १७ अंकले घटेर बन्द भएको छ । बजार घट्दा अघिल्लो कारोबारको तुलनामा कारोबार पनि घटेको छ । प्राविधिक रुपमा आज वियरिस प्रकृतिको क्याण्डल बनेको छ ।

यसले घट्दो बजारलाई संकेत गर्छ । डेली बेसमा बालिङ्गर ब्याण्डमार्फत बजारलाई नियाल्दा केही समय पहिले मध्य ब्याण्डबाट तल खसेको बजार तल्लो ब्याण्ड नजिक आएको छ । म्याक्डीमार्फत नियाल्दा केही समय पहिले बनेको वियरिस क्रसओभर भ्यालिड नै रहेका छन् ।

आरएसआई ६० को तहबाट खसेर हाल ४२ को तहसम्म आएको छ । यस्तो विन्दु घट्दो बजारमा ओभर सोल्ड जोन ३० भन्दा तल पनि आउन सक्छ ।

समग्रमा ३ वटै इन्डिकेटरबाट बजारलाई नियाल्दा बजारमा बिक्री दबाब परेको देखिन्छ । पिभटमार्फत बजारको अवस्था हेर्दा यदि अगामी दिनमा बजार घटेमा सपोर्ट क्रमशः २००१, १९७७, १९५५ मा लिने छ । यदि बढेमा भने बजारले नजिकको प्रतिरोध २०२४, २०७० र २१०० मा लिन सक्ने छ ।

नोटः सेयर बजारमा लगानी जोखिमपूर्ण हुन्छ, यो विश्लेष्ण कारोबारका लागि सिफारिस भने होइन ।